Summermorgefaart

IMG_1893S’Wätter isch nit ganz aifach gsii zem entschaide, ebb die Moorgefaart au wirgligg ka duregfiert wärde. Dr Meteorolog verspricht uns aber, ass mir am Morge no ne gnueg grosses Fänschter hän, zem e Faart dure IMG_1892z’fiere. So dräffe mir unseri Passagier
in Diegte und mache uns mit em andere Ballonteam vom Benj uff no Tenniken zem Hornusserblatz. Gmietlig beraite mir dr Ballon vor und starte vor de Siibeni zer Morgefaart. Wo mir zwische IMG_1895de Baim fiire kemme, isch d’Sunne grad goldig am uffgoo. Mir stiige hecher und finde langsam e Richtig, wo uns nit no Lieschtel und zer Stadt bringt. Im Mittelland gseen mir scho ainigi anderi Balleen am Himmel und mir hän e wunderbari Sicht uff Lieschtel und GälIMG_1899terkinde. D’Faart isch eher langsam und mir drifte eher richtig Rhyfälde ab, was nit grad e sone gueti Region isch, will dr Mehlinjet doch voll am wirge isch. So stiige mir wyters bis uff 2000 müM und finde e Schicht wo uns IMG_1900no Ammel bringt. Wunderscheen gseen mir jetzt uff Basel und dr Rocheturm, das glaine winzige schwarze Kletzli miesti wool dr Mässeturm syy! Au s’Mittelland zaigt sich vo sinere scheene Syte, nur vo de Alpeketti gseet me nuIMG_1904mme grad dr Rigi und dr Pilatus. Mir entschliesse uns wider e bits tiefer z’goo und scho gly druff abe mäldet der Benj, ass dr Bodewind e bitzeli aazooge het und s’Laub an de Baim zimlig duregrittlet wird. Au mir singge jetzt ganz tief und IMG_1906tauche ins Täli vo Rotheflue yy. Aber mir hän doch scho e Faartgschwindigkait vo 25 km/h druff und kenne drum do nienets land. Tief faare mit iber dr näggschti Higelrugge in Richtig Tecknau. Mir kemme scheen ibeIMG_1908r e Waldkuppe und tauch hinte dra in Windschatte yy. Dr Ballon brämst ganz ab un mir kenne sanft uff eme gärntete Fäld abhogge. Dr Benj ka unsere Nochfaarer zu uns lotse und no nem Zämmelegge stoose mir mit unsere Gescht uff die scheeni Faart aa.

Veraltete PHP-Version im Einsatz
Der Seiteninhaber muss die Version auf mindestens 7.3 erhhen.