Regio Fly In 2015

IMG_1239Am 29.8.2015 zer friie Morgestund dräffe sich in Diegte zää Ballonteams zem Regio Fly In vo dr Ballongruppe Basel. D’Dämmerig setzt yy und es zaigt sich traumhaft scheens Wätter. Alli Teams feen aa, iiri Balleen fir zem Uffstelle vor IMG_1237z’beraite. Genau bi Sunneuffgang dräffe mir uns bi unserem Gruppeballon, wo als ainzige scho stoot, zem Briefing. Alli bikemme e Marker und die letschte Informatione. Mir erwarte in dr untere Schicht e Byyse und ab 2000 Meter e SüdweschtwiIMG_1916nd. Ainzig achte, mien mir uff e Näbel wo im Rhytaal und siidlich vo Basel liggt. No nem Briefing startet dr BLKB Ballon als Fuchs und die andere Teams feen aa iiri Balleen uff z’bloose. Es isch Ziil, megligscht nooch an LanIMG_1242deort vom Fuchsballon z’lande odder e Marker ab z’wärfe. Unser Team isch am viertelab siibeni zem Startberait. Mir stiige zämme mit em Walti Hille an Hille ganz langsam uffe und faare tief in Richtig Seewe. Iber Hölstein stiige mir IMG_1919hecher um no Norde z’korrigiere. unsere Fuchsballon het sich entschiide, wyters mit dr Byyse z’faare und in dr Region Seewe odder Hoobel z’lande. Damit mir nit z’fescht no Lieschtel abtribe wärde sinke mir widder tIMG_1246iefer und faare scheen em Fuchs hindedry. E bitz näbe-n-uns gseen mir scheen s’Schloss Wildestai und unter uns faare d’Nochfaarer uff dr Hauptstroos. Dr BLKB Fuchsballon mäldet sini Landig an dr Stroos vo IMG_1928Seewe uff Hobel. Unter uns het aine si Hobbits Hiisli baut und me frogt sich scho mängmool, was d’Mensche alles fir Bledsinn baue. Mir hän aigentlig gueti Faart uff’s Zyyl, aber hindedra foot au scho dr Näbel aa. Mir entschliesse drumm, fir unseri Kollege vo usswärts s’zaige, ass me uff 6500 Fuess (2000 müM) widder zrugg faare ka. Aber fir das bruuche mir zerscht d’Bewilligung vom Flugblatz Basel. Mir riefe dä drumm uff und bikemmIMG_1933e broblemlos s’Ok. So styyge mir hecher und gniesse die scheeni Alpesicht und dr tolli Bligg uff’s Mittelland. ab 6000 Fuess wäggslet d’Richtig und mir faare zrugg. Uff 6500 Fuess mälde mir em Controler, ass mir unseri IMG_1930Faart hechi erraicht hän. Mittlerwyle foot dr Näbel sich aa ufflese, mir gseen scho dr Chrischona Turm und au uff dr Ebeni vo Aesch sin die erschte Lecher z’gsee. Mir faare aber wyter’s zrugg bis mir iber Buebedrof sin und singge deIMG_1936nn rasIMG_1941ch ab. Vom Controler verabschide mir uns und beraite uns uff d’Landig vor. Mit dr Biise faare mir no Lupsige und sueche denn iber dr Baumhechi e Huuch, wo uns uff e geaigneti Wiise bringt. Gnapp iber em-ene HuusdacIMG_1943h verby lande mir uff eme abgärntete Fäld und mälde das unserem Verfolger wo scho gly bi uns uffdaucht. In der Zwischezyt sin scho ganz vyyli grossi und glaini Zueschauer ko und mir pagge mit iirer Hilf unsere Ballon widder yy. E wunderscheIMG_1946eni Faart goot so z’Änd, aber no isch nit Schluss. Mir dräffe uns mit de andere Teams im Reschtaurant Waldhuus zem Apéro und zer Siigereehrig. Gwunne het mit sagehaftem Abwurf vo 3 Meter zum Zyyl dr Max Krebs, zwaite isch mit 53 Meter dr Patrik Schmidli worde und an dritter Stell mit 57 Meter dr Franz Killer. De Siiger ganz härzligi Gratulation und alle es Danggerscheen fir dä scheni Daag.

Veraltete PHP-Version im Einsatz
Der Seiteninhaber muss die Version auf mindestens 7.3 erhhen.