z’Bsuech im Simmetal

Foto 17.10.15 09 17 52Mir sin fir e Wuchenändi z’Bsuech im Simmetal bym Romi und em Toni. Sii hän uns yyglaade in iir Haimetli, wo oberhalb vo Boltige an dr Stroos fir uf e Jaunpass liggt. Do mir bi iine hän derfe ibernachte, isch uns e allzufires Uffstoo erspart blybe, numme unseri baide Passagier sin am Morge vo Buechibärg aagraist. Die meteorologische Bedingige sin nit ganz Foto 17.10.15 09 33 06aifach gsii, vo schenschtem Wätter, iber Hochnäbel, bis zu Niderschlag isch vo de verschiidene Wätterfresch am Vortag so zimmlig alles botte worde. Schlussändlig isch es e hochi Wulgedeggi gsii, aber ansunschte glar. Mir beraite in dr Talsoole bi Boltige unsere Ballon fir dr Start vor und hebe denn kurz no halber zääni ab. An Bord sin näbem Pilot, d’Anina, s’Romy, dr Foto 17.10.15 09 37 52Valentin und dr Toni. Mir stiige langsam hecher und gniesse die scheeni Sicht uff’s Simmetal. Ab 2500 müM kömme mir langsam în die erwarteti Südweschtstremig und faare genau in Richtig Stockhorn, erscht ab 3000 müM foot d’Richtig afo ändere und mir faare mee weschtwärts. Mit 40 km/h wäri das e ideali Richtig zem no Meiringe z’faare. Dert gäbtis Foto 17.10.15 09 45 43au seer gueti Landemegligkaite. E Pilatusporter isch unter uns und stigt langsam zu uns uff, mir vermuete mit Fallschirmspringer an Bord. Är fliegt aber wyter’s zer Jungfrau und stigt dur e Wulgeloch und verschwindet. Mir gseen jetzt scheen uff Thun und s’Seebeggi und mir wisse jetzt, ass es vor uns iberal wulggefrei isch und mir fir e Abstiig kaini Problem mit dr Sicht Foto 17.10.15 10 06 39wärde haa. Bi Spiez fare mir uff e See use und kemme genau ibere Beatebärg. Dert mälde mir uns bim Flugplatz Meiringe, aber derte kunnt numme s’automatische Bändli, ass dr Flugplatz gschlosse isch. Mittlerwyyle kunnt die Schicht mit em Südweschtwind all wie hecher und mir glange uff 3400 müM an d’Wulggeuntergränze. Es wird ganz pletzlig kalt und es foot aafo Foto 17.10.15 10 50 24schneye. Mir ändere drumm unsere Plan und singge ab, um mit däre Südweschtstremig no Sörbärg z’faare. Mir faare lycht unterhalb vo de Krete zwische nem Hohgant und em Brienzer Rothorn ins Tal vo Sörebärg. Laider kemme mir genau entlang en ere grosse Stargstromlaitig und so singge mir seer langsam ab, blybe aber genau iber dr Laitig zem stoo. Nommol stiige Foto 17.10.15 10 50 29mir hecher und faare genau uff Talstation vo dr Gondle fir uf’s Brienzer Rothorn. Widerum singge mir langsam und faare sehr tief iber d’Saili vo dr Bahn. No hundert Meter lande mir nach zwai aiviertel Stund Faart grad bi-n-eme Stall, wo ne teerti Stroos anfiert. Mir legge dr Ballon ab und mälde unseri Foto 17.10.15 11 54 25Position an unseri Nochfaarer. E halbi Stund speeter sin si au scho doo und mir lade dr Ballon uff. In Sörebärg keehre mir yy und leen bi-n-eme Plättli und eme Glas Wyy die Faart z’Änd goo.

 

 

 

Veraltete PHP-Version im Einsatz
Der Seiteninhaber muss die Version auf mindestens 7.3 erhhen.