Es Fäärtli ins Domleschg

Bild1

IMG_2900Zem Abschluss vo dr Ballonwuche in Arosa, träffe mir uns zem letschte Briefing in dr Yyshalle, wo uns dr Peter Pöschl erklärt, ass es ener schwachi Wind het, maischt uss eschtliger Richtig. Mir mache uns uff, zem Startplatz um unsere IMG_2901Ballon fir e Start vor z’beraite. Unseri baide Passagier d’Prisca und dr Robert steen beraits am Träffphunggt und mir feen aa mit em Usspagge. Mir erfaare, ass dr Robert die Faart zu sym geschtrige Geburtsdaag iberkoo het IMG_2902und es wird sich no zaige, dass d’Prisca mit däm kurzfrischtige Entschaid goldrichtig gläge isch. E Kindergarteklass kunnt uns cho bsueche und luegt uns gspannt bym Uffstelle zue. Trotz Vorwarnig mache bi dr Brennerbroob alli IMG_2906gschnälle e baar Schritt ruggwärts, au d’Buebe mit dr grosse Klappe. Am viertel vor Nyni starte mir und faare ganz dief iber e Obersee und schlyyche dr Hang in Richtig Hof Maran uffe. Mir entschaide uns fir e Versuech bym Hotel e IMG_2905Marker ab z’wärfe, als Gwynn isch e Fondue odder Racelette fir 4 Persone ussgschriibe. Mir wärfe dr Marker uff e Parkblatz, zwai Meter näbe-n-em Huus ab und schigge unseri Noochfaarer zem Hotel, um dr Marker z’bärge und bym IMG_2904Hotel z’mälde. Jetzt isch es aber Zyt, zem hecher z’stiige, damit mir in d’Windstreemig fir no Länerheid kemme. Jetzt erscht realisiere mir, ass dr Himmel gränzeloos glaar isch und s’Panorama no vyyl scheener isch als in de Daag
IMG_2913drvor. Langsam faare mir iber d’Wysshornstation und verleen drmit dr Aroser Talkessel. Uff 3500 müM finde mir e super gueti Windrichtig, wo uns erlaubt ins Domleschg z’faare. Die maischte Balleen sin siidlig vo uns und geen in der IMG_2923Länzerheide abe. Numme dr Stefan Zeberli wo in Kloschters gstartet isch faart ebefalls ins Domleschg. Mir gniesse d’Ussicht und schigge unseri Nochfaarer no Cazis. D’Schwyyzer Luftwaffe markiert iir Territorium und IMG_2930kurvt um uns umme, aber mir sin no gnapp unter iirem Luftruum. Iber em Schloss Schauenstein vom Caminada stiige mir ab und fange dr Balloon ebbe 200 Meter iber Grund ab. Laider steen mir jetzt genau iber de baide greeschte IMG_2931Stargstroomlaitige vo däm Tal. Langsam stiige mir widder hecher zem e Schicht z’finde, wo uns quer zer Laufrichtig vo däne Laitige versetzt. No vyyl Geduld sin mir ändligg gnueg wyt ewäg und singge drumm ab um uff ere scheene Wiise  z’lande. D’Birsigratte, unseri Verfolger sin sofort zer Stell und nämme IMG_2932uns uff dr Stroos in Empfang. E wirgligg tolli Ballonwuche got hit laider z’änd, mir dangge alle, wo drzue byydrait hän. Mir fraie uns scho uff d’Ussgoob 2017 in Arosa.

Veraltete PHP-Version im Einsatz
Der Seiteninhaber muss die Version auf mindestens 7.3 erhhen.