E Sunneuntergangsfaart

foto-06-10-16-17-28-58Mir beraite unsere Ballon fir e Start vor und geen zem Briefing. Es gseet no-n-ere normale Oobefaart uss. Do mir zwische andere Balleen ussgleggt hän, stelle mir dr Ballon erscht mit dr zwaite Wälle uff und starte am zwanzig ab säggsi zer Faart. foto-06-10-16-17-29-04Zerscht schlyche mir em Bach Flem druff und faare iber die grossi Baustell bi dr Talstation. Dief iber e Krane und denn wenigi Meter iber dr Pischte goot’s in Richtig Runca Hechi. Mir Stiige hecher und finde e Schicht wo uns zem Startplatz zrugg foto-06-10-16-17-31-37bringt. Vylicht kenne mir jo aine vo de Bryyse ergatere, wenn me uff em Startplatz ka markiere. Mir beobachte, wie d’Ambulanz vo Chur unde uffe kunnt und bis zu-n-ere Baustell oberhalb Fischeisch faart. Gly druff abe ghert me scho dr Heli, foto-06-10-16-17-38-15wo im Aaflug isch. D’Rega landet uff eme nooche Fäld und es isch guet, ass mir nimme in däm Beraich sin. Dr SportX Ballon muess do scho mee luege und kontakt mit dr Rega uffnää. Mir faare jetzt scho ganz nooch iber em Startblatz und stiige foto-06-10-16-17-49-17rassig ab. Laider wärde mir aber vo-n-ere Zwyscheschicht abtriibe und faare gnapp am Startplatz verby. Es goot dief iber de Dächer em Bachbett vo dr Flem druff und blybe denn derte stoo. Vylicht setzt jetzt scho dr Bärgwind foto-06-10-16-17-49-21yy und mir kennte diräggt uff em Startplatz lande. Aber die Hoffnig isch vergäbens, d’Biise vom Unterland hebt vermuetlig drgege und so faare mir wyters iber de Dächer. Mittlerwyyle goot d’Sunne hinter dr Bärgkrete aabe. foto-06-10-16-17-49-24Vylicht glingt uns jo e Landig uff em Schuelhuusplatz, numme sin mir do nit die ainzige. Dr Swisscom Ballon und dr IWC Ballon hän offesichtlig die glychi Absicht. Mir kisse dr Swisscom Ballon mehrmools und sin schliesslig iber em letschte Dach vor em Schuelhuusplatz, aber denn keert dr Wind scho widder und mir faare in die anderi Richtig. Schlussändligg lande alli drey Balleen uff dr Crap Ner Wiise. D’Birsigratte sin sofort zer Stell und mir draage dr Ballon zem nooche Fäldwääg und legge-n-en zämme. Die Faart isch e bitz länger worde als plant, aber unseri Gescht het das absolut nit gsteert.

Veraltete PHP-Version im Einsatz
Der Seiteninhaber muss die Version auf mindestens 7.3 erhhen.