In dr Innerschwyz

Mir dräffe uns mit drei andere Teams in Luzärn uff dr Allmänd und beraite unseri Balleen uff e Start vor. Mir starte alli gmainsam und faare mit ere Siidstreemig in Richtig Emme. Es goot verby am Château gütsch und mir hän e scheene Bligg uff’s Lurärner Seebeggi. Mir stiige langsam um dr erwarteti Weschtwind z’finde und gniesse aifach die tolli sicht uff die Region. D’Sunne zaigt sich iber dr Rigi und mir hän jetzt e gueti Faart gen Oschte no Zuug. Iber em Zugersee mien mir singge, will dr Luftruum vo Ziiri derte aafoot. mir faare uff e Aegerisee loos und rächne aigendlig mit ere Landig in däre Region. Bim Absingge aber kemme mir in e abfliessendi Streemig und es goot zrugg in richtig Baar. Dief faare mir iber de Baim und kenne in Allenwinden uff ere frisch gmaite Wiise lande. E scheeni Faart isch das gsii und die wird mit eme Glas Champagner beändet.

Veraltete PHP-Version im Einsatz
Der Seiteninhaber muss die Version auf mindestens 7.3 erhhen.