Grodon Bennett 2017

Mir faare frieh am Morge ab, damit mir am Säggsi am Morge in Gruyere sin. Derte stelle mir unsere Ballon, no neme kurze Briefing uff dr Pischte vo Broc uff und starte Aalässlig vom Gordon Bennett Gasballonrenne wo am Oobe aafoot. D’faart fiert uns iber e Lac de Gruyere in richtig Fribourg. Gege Ändi vom See drait aber d’Wind und mir faare no Oschte. Das bringt uns aber e bitz in Problem, will in dr Region vom Schwarzsee e Sperrgebiet isch wo sotti gschosse wärde. Mir nämme drumm Kontakt mit der Laitstell uff und sin froo, ass das Gebiet bis jetzt nonig aggtiv isch. Mir stiige drumm heche, damit mir das Gebiet megligscht gschnäll kenne hinter uns loo. unerwarteterwyys drait aber wyters oobe der Wind widder no Norde und das mit 30 km/h. Unter uns hets mittlewyyle e Wulggedeggi und mir gseen aber iber dr Region vo Plaffeie e grosses Loch in däre Deggi. Iber Plaffeie starte mir drumm unsere Abstiig und Lande no ere kurze Dieffaart uff ere scheene Wiise. Unseri Passagier uss Brasilie sin begaischteret, au wenn si e glai weneli kalt hän. No-nem Zämmepagge genne mir uns e Uffschnittplatte in dr Dorfbaiz vo Plaffeien.

Veraltete PHP-Version im Einsatz
Der Seiteninhaber muss die Version auf mindestens 7.3 erhhen.