Aifach dr Hammer

IMG_1515Am Samschtig Morge am 5:45 schällt dr Wegger. Es isch Daagwacht fir d’Pardedisziplyyn im Ballonfahre. Es feen d’Vorberaitige zu-n-ere Alpefaart aa. Vorusse isch es no dunkel, gfroore und dr Vollmond schyynt. Mir dräffe uns alli in dr IMG_1536Schwyzerhalle und faare nach Lozärn. Uff dr Allmänd näbe dr Swissport Arena finde sich säggs Ballonteams yy und mir feen alli unsere Balleen aafo uffrischte. Am Zääni isch es sowyt, mir hebe bi Prachtsbedingige gmainsam ab. IMG_1535Scho gly hän mir e wunderbari Sicht uff d’Lozärner Altstadt und dr Vierwaldstättersee. D’Keenigin Rigi, dr Bürgenstock und dr Pilatus ligge ganz nooch vor uns. Mir styyge hecher und faare zerscht in Richtig Äntlibuech. Uff 2000 müM drait dr IMG_1543Wind und es goot näben-em Pilatus und iber e Glaubebärg verbyy in Richtig Brienzer Roothorn. Mittlerwyyle gseen mir s’ganze Mittelland und dr Jura Südfuess. Ab 3000 Meter nimmt dr Wind zue und mir faare jetzt mit iber 50 km/h in Richtig Wallis. Mir IMG_1548iberquere genau d’Station vo dr Brienzer Rothorn Bahn und gseen dr Brienzersee scheen unter uns, fascht wie ne Spiegel ligge. Vom Alpstai bis zem Mont Blanc isch s’ganzi Alpepanorama isch jetzt sichtbar IMG_1553und aifach iberwältigend. Via die Schynige Blatte und dr Männlichen goots wyters genau iber’s Schilthorn. Mir faare jetzt uf 4500 müM und hän natyrlig alli scho längschtens unseri Suurstoffschlychli montiert. Die IMG_1562impossanti Aigernordwand stoot ganz nooch vor uns und au s’Jungfraujoch isch wunderbar z’gsee. Im Hintergrund lauft dr Aletschgletscher in’s Wallis drab. Mir fahre wyters und kemme zwysche dr Blüemlisalp und em IMG_1574Tschingelhorn ins Lötschetal. Mir hän jetzt satti 90 km/h druff! Links vo uns liggt d’Fafleralp und Lötschelugge, dur die’s uff e Konkordiaplatz goot. Unter uns nämme e baar Guetbetuechti uff em Gletscher e Apéro, dr Heli stoot IMG_1581näbedra. Mir feen langsam aafo singge und fahre ins Rohnetal yy. Iber Turtmann styyge mir ab, wärde aber vom Hang scho durch Thermik aazoge. Drumm mien mir nommool uff 2500 müM styyge, zem ins Tal yyne z’korrigiere. Iber dr Rhone IMG_1583styyge mir rassant ab und kenne in ere glaine Liechtig sanft lande. No dämm dr Ballon abgleggt isch, kemme unseri Nochfaarer au scho d’Lötscherampe drab. E traumhafti Faart nimmt eso sy Ände und mir erhebe unsere Frischling mit Champagner in Ballonadelstand. Är wird zem:

Graf vom eewige Firn zum Lötschetal

No däm mir in dr Baiz aine sin go schnappe, goot mit em Autoverlaad widder dur-e Lötschbärg haimeszue.

IMG_1585

Veraltete PHP-Version im Einsatz
Der Seiteninhaber muss die Version auf mindestens 7.3 erhhen.