Maischterfaart

IMG_3172Grüß Gott. Am fimfi am Morge dräffe mir uns mit unserem erschte Passagier und eme zwaite Ballonteam uff em Parkblatz vom Schwymmbad Aesch. Mir derfe hitte Gescht us dr Fuessballmaischterstadt Minche bi uns im Korb IMG_3177begriesse, isch jo glar, ass die mit eme Basler wänn in d’Luft goo. Schau ma moi. Gmainsam faare mir ins Laufetal no Erschwyl und beraite unterhalb vom Schitzehysli unseri baide Balleen fir e Start vor. Am Säggsi drifft au d’Gemahlin IMG_3178vo unserem Passagier mit Kind und Kaigel uff em Blatz yy. Uff die halber siibeni sin mir berait zem Start und hebe als zwaite Ballon ab. So a Gaudi. Scho gly sin mir in dr Sunne und gseen s’Laufener Beggi und uff e Passwang. Uff 1000 müM IMG_3182zaige sich scho d’Schwyzer Alpe und au Basel isch jetzt scheen sichtbar. Pass scho. Mir hän jetzt scho dr erwarteti Südweschtwind und faare mit 20 km/h iber Büsserach. Damit mir in d’TMA Kontrollzone vo Basel derfe yyfaare, mälde IMG_3190mir uns bym Basel Tower und frooge um Erlaubnis. Mir bikemme d’Freygoob fir die zwai Balleen und derfe bis uff 5000 Fuess stiige. Nit alloa. Vor uns im Baselbiet stiige ebefalls zwai Balleen uff und im Mittelland wimmlets numme no so vo IMG_3191Dipfli am Himmel. D‘Faart goot jetzt iber Nunningen, Reigolzwil und Hölstein no Tenniken, wo mir dr kontrollierti Luftruum verleen und uns bi dr Flugsicherig abmälde. Mei, hob i heid wieder einen Brand. Mir mergge, ass mir IMG_3188doch scho ordelig Gas verbruucht hän und berächne, dass uns dr räschte no guet fir e Faart ins Fricktal längt. Mir schigge unseri Verfolger drum no Wittnau. S’isch a Gfreid. Jetzt wo d’Sunne scho hecher stoot gseet me IMG_3193vom Alpstai bis zem Mont Blanc die ganzi Alpeketti. Unter uns gseen mir die alti Hauestai Baanstreggi und scho bald faare mir au iber die Neyi. Via Rothenflue kemme mir e bitzeli siidlig vo Wittnau ins Fricktal und fange mit em Abstiig aa. Auf IMG_3180d’letzt . Will mir e diggeri Schicht mit Siidwind hän, beschleunige mir unsere Abstiig, damit mir nit z’fescht nach Norde abtriibe. 100 Meter iber Bode brämst dr Wind und gnapp iber de Baim goot’s sogar widder retour. Kreizbrav. Unseri IMG_3194Verfolger warte scho unter uns uff dr Krytzig, aber mir mien nomool 50 Meter hecher stiige, damit mir vom Wald ewägg kemme. Mir zyyle e grossi frisch gmaiti Wiise aa, singge gschnäll ab und faare ai Meter iber em Boode iber das Fäld uns IMG_3196hogge uff em Wääg ab. Sauber sog I. Wer ko, der ko. S’Auto isch gly zer stell und mir kenne dr Ballon no-n-ere wunderscheene Faart vo 2 Stund und 15 Minute widder zämme pagge. Mit unsere Passagier stosse mir uff die scheeni Faart mit eme Glas IMG_3197Champagner aa und erhebe sii in Ballonadelstand. „Ja mei, dann Prosit“