{"id":2767,"date":"2017-06-18T12:21:53","date_gmt":"2017-06-18T10:21:53","guid":{"rendered":"http:\/\/horni-ballonfahrten.ch\/?page_id=2767"},"modified":"2017-06-18T12:44:44","modified_gmt":"2017-06-18T10:44:44","slug":"summerfaart","status":"publish","type":"page","link":"https:\/\/horni-ballonfahrten.ch\/?page_id=2767","title":{"rendered":"E glaini Windpause l\u00e4nggt"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt vom 17.6.2017.gpx“]<\/p>\n

No d\u00e4m\u2018s am Voroobe no krefftig bloose het, stehen mir am vieri uff und gseen, ass dr Meteorolog r\u00e4cht kaa het mit dr Prognose: ideali Verh\u00e4ltnis fir e Ballonfaart. Mir dr\u00e4ffe uns in Diegte, faare uff e Hornusserblatz vo Tennike und beraite unsere Ballon vor. Dr Benj isch mit sim Team ebefalls mit dr byy. Am zwanzig ab S\u00e4ggsi stiige mir mit em Ballon uff und w\u00e4rde vo dr goldige Sunne empfange. W\u00e4hrend em Uffstiig sueche mir d\u2018Biise, aber mir finde numme Nord bis Nord-Weschtwind . Uff 2000 m\u00fcM lauft\u2018s mit 15 km\/h in Richtig Zofinge. Mir h\u00e4n jetzt scheeni Sicht uff Basel im Hintergrund und au d\u00b4Alpe gseet me wunderbaar. Mir gheere am Funk e befrindete Pilot, wo iber Eglffos im Allg\u00e4u unterw\u00e4ggs isch, aber sunscht sin nit vyyli Balleen in der Luft. Mir faare jetzt iber em Hauestai und gseen die alti Yysebaanstreggi unter uns. Unseri Nochfaarer stergge sich im Volg mit eme Glas Milch frisch vom Buurehoof. Zwische Wange und Olte goots wyters in Richtig Rothrist und mir h\u00e4n e scheeni Sicht uff d\u2019Aare und d\u2019Aarburg. Will mir obe an uns e kontrollierte Luftruum befindet, faare mir immer unterhalb d\u00e4re Gr\u00e4nze mit dr Absicht iber Pfaffnau abzstiige. Dr Wind drybt uns aber immer meer no Oschte und soo singge mir iber Str\u00e4ngelbach rassig ab. Iber dr Grundschicht h\u00e4n mir jetzt gueti Faart mit 20 km\/h in Richtig Pfaffnau und mir schigge d\u2019Nochfaarer dert aane. Vor M\u00e4ttewil singge mir uff Baumhechi ab und sueche uns e geaignete Landeblatz. Zwische e-ne-re Baumgrubbe und em Buurehoof faare mir 30 Meter iberem Bode. Vor uns liggt e Weiher mit e-ne-re Fischzucht und mir blaane d\u2019\u00c4ndlandig uff ere gmaite Wiise. Mir beruhige no zerscht zwai Ressli, wo sich wundere was denn do am Himmel schw\u00e4bt, iberquere e Stromlaitig und setze sanft uff dr Wiise uff. Laider macht dr Petrus naimets s\u2019F\u00e4nschter uff und es wird scho wenigi Augebligg speeter r\u00e4cht boggig, ass mir dr Ballon mien ableege. Mir stelle fescht, ass es doo e richtigs Funkloch isch und weder mit Funk no-nem H\u00e4ndy mir d\u2019Noochfaarer kenne erraiche. No kurzer Zyt aber finde denn au die dr W\u00e4\u00e4g zu uns und mir pagge dr Ballon yy. Im Aaschluss git\u2019s die obligati Ballontauffi mit eme Gleesli Glepfmoscht, bivor mir uns widder uff e Haimew\u00e4g mache. Laider wird uns d’Bise fir wyteri Ballonfaarte an d\u00e4m Wuchen\u00e4ndi e Strich durch d’R\u00e4chnig mache.<\/p>\n