{"id":2808,"date":"2017-08-05T18:24:15","date_gmt":"2017-08-05T16:24:15","guid":{"rendered":"http:\/\/horni-ballonfahrten.ch\/?page_id=2808"},"modified":"2017-08-05T20:10:48","modified_gmt":"2017-08-05T18:10:48","slug":"biirgestogg","status":"publish","type":"page","link":"https:\/\/horni-ballonfahrten.ch\/?page_id=2808","title":{"rendered":"Biirgestogg"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt vom 5.8.2017.gpx“]<\/p>\n

\"\"<\/a>Am Fryttignommidaag faare mir mit em Auto und em Aah\u00e4nger no Loz\u00e4rn und wyters uff e Biirgestogg. Derte dr\u00e4ffe mir uns mit s\u00e4ggs andere Balloonteams und bezien in dr Tav\u00e4rne unseri Zimmer. Dr Joe empfangt uns mit eme Ap\u00e9ro uff ere \"\"<\/a>Terasse, wo mir der wunderscheeni Bligg uff e Vierwaldst\u00e4dtersee und Loz\u00e4rn kenne Gniesse. No nere kurze Begriessig, w\u00e4rde mit vo dr Suzan im neyrenovierte Hotel Palace ummegfiert. Es isch unglaublig, was derte alles am \"\"<\/a>entstoo isch. Dails scho fertig und in gwisse Stelle no voll im Bau mit bis zu 600 Bauarbeiter. Aber \u00e4ndi d\u00e4 Monet sell das Ganze ereffnet w\u00e4rde. E Bijou! Im Aaschluss an die Fierig w\u00e4rde mir mit emme feine Nacht\u00e4sse uff dr Terasse vo dr Tav\u00e4rne \"\"<\/a>verweent. Dr Himmel isch immer no starg bewelggt und mir sin alli gspannt, wie-n-\u00e4r sich am Samschtig am Moorge wird pr\u00e4sentiere. Am 4:15 isch Daagwacht und dusse herrscht dr St\u00e4\u00e4rnehimmel. Mir pagge uneri siibe Sache z\u00e4mme und faare no \"\"<\/a>Obbriirgen und empfange unseri Passagier. Wyters goots uff dr noochi Startblatz, wo dr Mysli mit Familie uns mit feinem Zopf und Kaffi erwartet. Mir beraite unseri Balleen vor und sin am S\u00e4ggsi startberait. Z\u00e4mme mit em Patrik starte mir als erschti \"\"<\/a>Balleen und stiige ganz langsam Meter um Meter heecher. Scho nach wenige Merter gseen mir dr ganzi B\u00fcrgenstock Ressort vor uns und mir mache Fottene. Dr absoluti Hammer isch aber, wenn hinter em Ressort dr Vierwaltst\u00e4dtersee mit Luz\u00e4rn \"\"<\/a>uffdaucht. Dr Wind dribt uns genau iber s\u2019Palace und mir derfe das ganzi au no vor dr andere Syte bestuune. No d\u00e4m bald alli Spaicherkarte voll sinn, stiige mir gschn\u00e4ller uff und sueche die vorussgsaiti Siidweschts-treemig. Ab 2000 Meter iber \"\"<\/a>Meer bikemme mir Faart in Richtig Rigi. Mit 30 km\/h goots an dr Rigi verby in Richtig Goldau. Mir gseen all die scheene Seee vor und unter uns. Vom S\u00e4mpacher-, ibere Halwyler-, Baldegger-, Zuger-, Lauerzer, Aegeri-, Sihl-, Ziiri-, Pf\u00e4ffiger- bis zem der \"\"<\/a>Gryffesee. Aifach e fantastischs Erl\u00e4bnis. Via morgarte goot’s wyters no Aisiidle. Mir versueche in gschn\u00e4ll w\u00e4ggslende Windschichte meegligscht neerdlig z’blyybe, damit mir ins Toggeburg kennte faare. Doch uff der Hechi vom \"\"<\/a>W\u00e4gitalersee, wo mir scheen uff d’Staumuure gseen, drait dr Wind definitv meer no Siide und mir entschaide uns fir e \u00c4ndlandig in dr Lintheebeni. Mir faare aber uff dr Hechi bis iber d’Talmitti uss und m\u00e4lde uns uff dr Flugblatzfrequ\u00e4nz vo Sch\u00e4nis und m\u00e4lde unsere \"\"<\/a>Abstiig in iirer Region. Ebbe e halbe Kilometer nerdlig vom Flugblatz kemme mir uff d’Baumhechi und faare ganz langsam in richtig Pischte. Nur wenigi Zentimeter iberem Bode, leen mir dr Ballon bis in d’Mitti vo dr Pischte faare und setze genau uff em Strich ab. \"\"<\/a>Nur dr Flugblatzchef luegt e bitzeli verdutzt dry, will bi dr Yysatzbespr\u00e4chig iim kaine me zueloost. Aber denn het \u00e4r au e Fraid. Unseri Nochfaarer sin au sofort uff em Blatz und mir pagge dr Ballon rasch z\u00e4mme, damit d’S\u00e4gelflieger iire Daag aafoo kenne. No d\u00e4mm alles \"\"<\/a>verpaggt isch, erhebe mir unseri Passagier in Ballonadelstand und stosse uff e tolls Erl\u00e4bnis aa. aber es isch noonig Schluss, mir faare zrugg zem Biirgestogg wo uns dr Joe mit eme super ap\u00e9ro empfangt. Dr Prosecco wird mit em S\u00e4\u00e4bel geffnet und es \"\"<\/a>git e feine Uffschnitt. Im Aaschluss serviert uns dr Mysli no e Racelette\u00a0mit aigenem K\u00e4\u00e4s, numme Empf\u00e4\u00e4lens-w\u00e4rt. <\/span>Merci vyyl Mool em Ruedi, Joe und Mysli, sowie nem ganze B\u00fcrgenstock Ressort. Mir winsche Eych e guete Start fir d’Ereffnig und em ganze Team alles Gueti.<\/strong><\/p>\n