{"id":3137,"date":"2017-09-25T21:57:02","date_gmt":"2017-09-25T19:57:02","guid":{"rendered":"http:\/\/horni-ballonfahrten.ch\/?page_id=3137"},"modified":"2017-09-25T22:12:20","modified_gmt":"2017-09-25T20:12:20","slug":"oobefaart-im-herbscht","status":"publish","type":"page","link":"https:\/\/horni-ballonfahrten.ch\/?page_id=3137","title":{"rendered":"Oobefaart im Herbscht"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt vom 24.9.2017.gpx“]<\/p>\n

Mir dr\u00e4ffe in Diegte unseri Passagier und faare zem Startplatz uf e windgschitzti Wiise. E Balleenlerkolleg isch beraits scho drby, si Ballon uffzstelle. Mir mache uns dra, unsere Korb fir d’Faart vorzberaite und scho bald druffabe stoot dr Ballon und mir sin berait zem Start. Langsam stiige mir hecher und kemme zem Diegtertal uss und h\u00e4n e scheeni Sicht uff die umligende Derfer und T\u00e4ler. Gly druffabe zaigt sich au scho d’Stadt mit em Rocheturm. Mir finde w\u00e4rend dem Uffstiig aber niene die aagsaiti Biise, sondern es goot ganz langsam in Richtig Olte. Drumm stiige mir wyter’s um e Schicht z’finde, wo e bitzeli gschn\u00e4ller lauft. uff 2000 m\u00fcM mache mir gueti Faart mit 20 km\/h. Es isch aber au do nit wie erwartet e Nordweschtwind sondern e Weschtwind wo uns in Richtig Aarau drybbt. Mir blyybe aber uff d\u00e4re heche, damit mir e bitzeli Vorw\u00e4rts kemme und s’Panorama gniesse kenne. Uff dr hechi vo dr Frohburg singge mir abb, um z’luege, ebb mir iber dr Jurakrete kenne e bitzeli no Siide korrigiere. Mir finde 300 Meter iber em Grund e scheeni Schicht wo uns mit 15 km\/h via Lostdorf und Sch\u00f6newert no K\u00f6llike bringt. Unter uns liggt dr Golfplatz vo Lostdorf und mir gseen n\u00e4be uns s’AKW G\u00f6sge. Iber Sch\u00f6new\u00e4rd m\u00e4lde unseri Nochfaarer, ass sii in Gretzenbach uff uns warte. Mir geen iber langsam diefer und h\u00e4n e scheeni Wiise n\u00e4be dr Rytthalle vo Holziken in’s Visier gnoo. Es goot no iber e Hochspannigslaitig und den singge mir abb und w\u00e4rde vom Chrigu in empfang gnoo. \u00c4r isch e Mod\u00e4llballenler und si Vatter isch friener ebefalls Ballonpilot gsii. D’Birsigratte sin ebfalls sofort zer Stell und mir legge dr Ballon z\u00e4mme. Im Aaschluss stosse mir mit eme Glesli Glepfmoscht uff die scheeni Faart aa und erhebe unseri Pasagier in Ballonadelstand.<\/p>\n