{"id":3173,"date":"2017-10-01T10:06:30","date_gmt":"2017-10-01T08:06:30","guid":{"rendered":"http:\/\/horni-ballonfahrten.ch\/?page_id=3173"},"modified":"2017-10-01T10:54:52","modified_gmt":"2017-10-01T08:54:52","slug":"ballonwuche-flims","status":"publish","type":"page","link":"https:\/\/horni-ballonfahrten.ch\/?page_id=3173","title":{"rendered":"Ballonwuche Flims"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt vom 30.9.2017.gpx“]<\/p>\n

Wie jedes Joor sin mir mit vyyl Vorfraid uff Flims uffe gfaare. Es isch jedes Joor scheen, die vyyle Frinde do oobe widder z’gsee und natyrlig blange mir alli uff meegligscht vyyli scheeni Faarte. No-n-em Begriessigsap\u00e9ro bi Eichholzer’s und em Nacht\u00e4sse im Feschtz\u00e4lt, geen mir bezytte zrugg in’s Hotel um megligscht erhoolt die erschti Faart kenne in Aagriff z’n\u00e4\u00e4. Am Siibeni sin mir uff em Startblatz und beraite unsere Korb vor. No-n-em Generalbriefing git’s bi dr Faarlaitzentrale no e Meteobriefing mit-ere Dir\u00e4ggtschaltig zem Meteorolog in Ziiri. E Novum do in Flims und e super Sach. D’Esti bringt uns die erschte baide Passagier, wo mit uns die scheeni B\u00e4rgw\u00e4lt w\u00e4nn vo oobe bestuune. D’Christine kunnt als erschti vo dr Crew zem Handkuss und derf in Korb yyne gumpe. Am zwanzig ab Achti bikemme mir d’Startfreygoob und mir hebe langsam ab. Als erschtes wird natyrlig Flims inspiziert und es isch scho erstuunlig, was in aim Joor alles baut wird. S’Parkhuus bi dr Talstation isch verschwunde, drfir stoot scho e riise Komplex derte im Rohbau. Mir stiige wyter’s und dr Gaumausee zaigt sich wie immer als Spiegel z’mittst im Wald. W\u00e4rend em Uffstiige kemme die mit Schnee verzuggerte Tschingelherner mit em Martinsloch zem Vorschyn und mir gseen hinter Laax uff Ilanz aabe. No sten mir aigentlig immer no iber em Startblatz und das scho uff 2000 m\u00fcM. Ab 2500 m\u00fcM kemme mir \u00e4ndlig in e Schicht, wo uns e bitzeli Vorw\u00e4rts bringt. Mit 12 km\/h tribt’s uns iber Conn zer Ruin Aulta (Rhyschlucht) uuse und mir entschaide uns fir e Faart in’s Domleschg mit Zyyl Flerden am Heinzerb\u00e4rg. Mittlerwyyle h\u00e4n sich d’Wulgge am Himmel uffgleest und mir h\u00e4n wunderbare Sunneschyyn im Korb. Rund um uns sin die andere Balleen und alli tanze wie ne Ballett um uns umme. Iber Versam gseen mir jetzt s’ganzi Safietal vor uns ligge und au dr Heinzerb\u00e4rg liggt scho fascht wie ne Fl\u00e4chi vor uns. Aber spetischtens no nem rasante Abstiig iber Flerden, mergge au unseri Passagier, ass das alles anderi als flach isch. Mir fange dr Ballon kurz vor em Boode ab und iberquere no-ne Laitig, bivor mir sanft uff ere Wiise uffsetze. Bym Usstiige git denn d’Christine alles und das erscht no mit eme dopplette Purzelbau ruggw\u00e4rts. Mir g\u00e4nn iire alli unter Applaus d’Stiilnoote z\u00e4\u00e4. Drno trage mir dr Korb e baar Meter abw\u00e4rts bis uff die teerti Stroos und unseri Verfolger Birsigratte dr\u00e4ffe au scho yy. Rasch isch dr Ballon z\u00e4mme paggt und mir faare is Tal aabe und sueche uns e gmietliggi Gartebaiz. d’Cheffi isch zwoor e bitzeli iberrumpplet, wo mir e glains Pl\u00e4ttli mechte bschtelle und maint, si siige nit fir das Vorberaitet. Mir siige unkompliziert und si sell aifach bringe, was si haig. Wie dieff me in dr Schwyyz ka staple zaigt s’Resultat. Notabene sin das drei Portione!!! Die erschtie Faart h\u00e4n mir im Sagg, laider sin aber d’Oobefaart und d’Sunntig Morgefaart scho w\u00e4ge-n-em R\u00e4\u00e4ge abgsait. Fir e Nommidaag stoot also emme Bsuech in dr Surselvabr\u00e4u nyt im W\u00e4\u00e4g.<\/p>\n