{"id":3212,"date":"2017-10-02T17:00:15","date_gmt":"2017-10-02T15:00:15","guid":{"rendered":"http:\/\/horni-ballonfahrten.ch\/?page_id=3212"},"modified":"2017-10-06T15:15:06","modified_gmt":"2017-10-06T13:15:06","slug":"2-faart-ab-flims","status":"publish","type":"page","link":"https:\/\/horni-ballonfahrten.ch\/?page_id=3212","title":{"rendered":"2. Faart ab Flims"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt vom 2.10.2017.gpx“]<\/p>\n

No d\u00e4mm mir am Sunntig laider kaini Ballonfaarte h\u00e4n kenne mache, sin mir alli ganz gschpannt, ebb’s am M\u00e4ntig am Morge no aini git, bivor die n\u00e4ggschti Front kunnt. Als mir uffsteen isch es no dunggel und s’Radar zaigt ainzelni Echos im Norde vo Flims. Aber uff em W\u00e4\u00e4g zem Startblatz w\u00e4rde mir von-e-me fantastische Morgeroot empfange und d’Hoffnig styggt, ass es doch no e Faart git. Mir beraite dr Ballon vor und geen zem Briefing, wo dr Meteorolog uns sicheri Bedingige fir e Faart m\u00e4ldet. Numme d’Wind sin in dr Heche schwach und so isch es nit ganz glaar, wo die Rais aanegoot. Mir stelle dr Ballon uff und Starte am viertelab Achti ganz langsam, will anderi Balleen iber uns sin. Langsam stiige mir hecher und dr Himmel zaigt immer no wunderscheeni Farbe und Liechteff\u00e4ggt. Braggtisch iber em Startblatz stiige mir uff iber 2000 m\u00fcM und h\u00e4n nie mee als e Huch vo me-ne Windli. Ab 2500 m\u00fcM foot’s wenigschtens e glai weneli aafoo Laufe mit 8 km\/h in Richtig Domleschg. Mir stiige wyters und ab 3000 m\u00fcM h\u00e4n mir jetzt doch wenigschtens 15 km\/h druff. D’Richtig isch aber nit so ideal, will’s genau zer \u00e4ngschte Stell im Domleschg fiert. Drumm stiige mir wyters bis uff 3800 m\u00fcM wo mir \u00e4ndligg e gueti Streemig finde. Mittlerwyyle sin mir scho iber dr Rhyyschlucht, wo scheen in dr Sunne duet lychte. Um uns umme tanze duusigi for Diamante in dr Sunne. Es sin Yyskrischtall wo fir d\u00e4 scheeni Eff\u00e4ggt die sorge. Mir schigge unseri Nochfaarer, d’Birsigratte, ins Domleschgg no Cazis und m\u00e4lde, ass mir in dr Region vo Rodels w\u00e4rde abstiige. Mitti Daal feen mir unsere Abstiig aa, will mir aber unterw\u00e4ggs Schichte h\u00e4n wo uns unginschtig dien versetze, effene mir nommol s’Ventil und singge mit 6,7 Meter pro Sekunde. Es bloost zimftig unde uffe, aber es isch richtig soo, denn mir kemme iber eme guete Gebiet zem Lande aabe. Unseri Nochfaarer m\u00e4lde, ass es am Bode windstill isch. Notyrligg r\u00e4chzyttig feen mir aa dr Ballon uffzhaize und br\u00e4mse dodrmit unsere Singggschwindikait ab. Unter uns isch e scheens Zwischebeedeli mit ere gmaite Wiise. Mir setze sanft uff, nod\u00e4m mir d’Kieh und dr Muuni uff dr Wiise n\u00e4bedra begriesst und dodrmit beruhigt h\u00e4n. E Brachtsexemplar vo neme Muuni und dr Buur kunnt au scho uff d’Wiise, zem sini Tier z’beruhige. No nem Ableege vom Ballon begriesse mir dr Buur und stelle uns iim vor. \u00c4r het e grossi Fraid und sait uns no-nem Komplim\u00e4nt an sy Muuni dr Namme vo-n-em. Alles glaar e soo aine ka jo nit anderscht als Francis haisse!!! Mir sin am z\u00e4mme pagge, wo e ganzi Schaar vo glaine Gn\u00e4ggis iber d’Wiise z’burtzle kunnt. Dr Kindergarte het uns als Aaloss gno, zem e glaine Spaziergang zmache. Notyrligg mechte alli emoole in Korb yyne hipfe und so git’s das wunderbaare Fotteli mit 16 Gn\u00e4ggis im Korb. Im Aschluss bikunnt jede e Pin und e Kl\u00e4ber und au vom Walti e Pin, wo ebefalls uff d\u00e4re Wiise glandet isch. No-nem Z\u00e4mmepagge verabschiide mir uns vom Kindergarte und faare zrugg no Flims. Fir Zoobe und am Zyschtigg isch laider R\u00e4\u00e4ge aagsait und dorum s’Briefing abgsait. Mir fraie uns trotzd\u00e4mm, will’s zem Znacht e Reerugge git und mir d\u00e4 au mit eme zimftige Schlugg Roote derfe gniesse.<\/p>\n