{"id":3256,"date":"2017-10-06T15:33:46","date_gmt":"2017-10-06T13:33:46","guid":{"rendered":"http:\/\/horni-ballonfahrten.ch\/?page_id=3256"},"modified":"2017-10-06T16:01:38","modified_gmt":"2017-10-06T14:01:38","slug":"ab-ins-engadin","status":"publish","type":"page","link":"https:\/\/horni-ballonfahrten.ch\/?page_id=3256","title":{"rendered":"Ab ins Engadin"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt vom 4.10.2017 M.gpx“]<\/p>\n

Mir kemme uff e Startblatz und fraie uns scho, denn d’Trajektorie vo dr Meteo verspr\u00e4che e Faart ins Engadin. Au bym Briefing best\u00e4tigt dr Meteorolog, ass es Faart in d’Region Samedan meeglig sii sotti. E Schuelklass uss Flims isch extra uff e Blatz koo, damit si kenne luege, wie dass sone Faart vorberaitet wird. Im Aaschluss ans Briefing, schnappe mir uns zwai Maitli und zaige und erkl\u00e4re iine wie me e Ballon uffstellt. Ebefalls\u00a0begriesse mir unseri Passagier, wo uns vo dr Esther zem Korb brocht w\u00e4rde. Mir starte als zwaite Ballon und n\u00e4mme sofort dr Uffstiig in aagriff. Mir erwarte ab 3000 Meter die richtige Wind fir unsere\u00a0Blaan. Uff em Gaumasee liggt no e glains N\u00e4beli und au\u00a0d’Rhyschlucht isch no zue. Ab 2500 Meter h\u00e4n mir die erschti Schicht, wo uns in Richtig Trin bringt. Ab 3000 Meter stiigt Gschwindigkait beraits uff 30 km\/h. D’Richtig isch aber eeher in’s Unterengadin, drumm stiige mir wyter’s will mir ab 3500 Meter e besseri Richtig erwarte. Und wirgligg mir h\u00e4nn jetzt genau Faartrichtig Flugblatz Samedan und das mit 40 km\/h. Also ideali Verh\u00e4ltnis fir ins Engadin. Mir m\u00e4lde dr Faarlaitzentrale unseri Absichte und schigge d’Birsigratte no Thusis und iber e Julierpass. Mittlerwyyle h\u00e4n sich die letschte Wullge in de T\u00e4ler uffgleest und mir h\u00e4n e tolli Sicht. Am \u00c4ndi vom Rhydaal gseet me dr Bodesee und im Siide die wunderscheeni Berninagrubbe, wo mir druff zuefaare.Mir iberquere d’Krete vom St\u00e4tzerhorn und luege uff d’L\u00e4nzerhaide aabe. Im Hintergrund lychtet scheen d’Station vom Wysshorn in Arosa und unter uns liggt in dr Daalsoole Tiefekaschtel. Via Berg\u00fcn ggots wyters iber dr Alubula Pass, wo mir uns bym Tower vo Samedan m\u00e4lde. Langsam gseen mir s’Engadin drab und au St. Moritz kunnt langsam fire.Mir feen langsam mit em Abstiig aa und kenne uff 2500 Meter iber Meer scheen in d’Daalmitti korrigiere. Genau iber em Pischte aafang leen mir unsere Ballon singge, w\u00e4hrend sich e Heli unter uns zwische de Balleen dure schl\u00e4nglet. Mir setze grad n\u00e4be-n-em Flugblatzgl\u00e4nd uff ere Stroos sanft uff und d’Birsigratte verm\u00e4lde, ass si au scho vor Ort sin. Mir pagge dr Ballon z\u00e4mme und erhebe unseri Passagier in Ballonadelstand. Im Aaschluss sueche mir uns e scheens Restaurant in Celerina und leen uns mit Engadiner Spezialit\u00e4te verweene. Iber e Julier goot’s denn zrugg no Flims, wo mir am Kindernommidaag no dr Mod\u00e4llballon dien stelle.<\/p>\n