{"id":3327,"date":"2017-10-06T16:20:02","date_gmt":"2017-10-06T14:20:02","guid":{"rendered":"http:\/\/horni-ballonfahrten.ch\/?page_id=3327"},"modified":"2017-10-06T16:24:38","modified_gmt":"2017-10-06T14:24:38","slug":"oobefaart-im-daalkessel","status":"publish","type":"page","link":"https:\/\/horni-ballonfahrten.ch\/?page_id=3327","title":{"rendered":"Oobefaart im Daalkessel"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt vom 4.10.2017 A.gpx“]<\/p>\n

No-n-em Kindernommidaag, faare alli Ballonteams widder uff e Blatz und beraite sich fir e Oobefaart vor. D’Windverh\u00e4ltnis sin ideal und so starte mir in dr zwaite W\u00e4lle mit zwai Passagier vo Flims im Korb. Mir schlyyche zerscht uff Dieffaart iber s’Schuelhuus dr Hang druff, iber die grossi Baustell an dr Daalstation. Es git e glaine Wettbew\u00e4rb an de Oobefaarte, w\u00e4r am\u00a0neggschte dr Marker bim Zyyl uff em Startblatz drifft, gwinnt e Iberraschigsbryys. Will mir gseen, ass alli andere Balleen in Richtig Flimserstai drybe, stiige mir gschn\u00e4ll hecher und finde e Streemig, wo uns iber e Startblatz zrugg bringt. mirr faare no e glai weneli wyters, damit mir mit em Bodewind widder uff e Blatz zrugg kemme. Bim Abstiig w\u00e4rde mir aber zem Blatz versetzt und kemme erscht iber em Bach Flem in d’Grundschicht. Derte faare mir wie erwartet widder druff, numme laider 50 Meter n\u00e4bbe-n-em Startblatz. Dr Luc und dr Philipp h\u00e4n dr Mod\u00e4llballon widder uffgstellt und anhand vo d\u00e4m gseen mir, ass der Wind sich \u00e4nderet. Mir blybe dief und faare iber e Baum und singge hintedra grad widder aabe. Zwysche zwai Faanem\u00e4schte dure kemme mir iber dr Feschtbaiz doch no uff e Blatz yyne. S’Zyyl isch e uffblooses Kinderbassin und dr Urs liggt scho als Badenixe drinne. Mir kemme ganz noch, aber vor lutter Lampefieber, will alli zueluege wirft d\u00e4 Lappi vo-n-eme Pilot dr Marker wenigi Zentimeter n\u00e4be statt in’s Bassin. Mir stiige aber nommol und faare e bitzeli iber de Huusd\u00e4cher vo Flims, bivor mir in eme Garte vo e baar Hyser lande. D’Birsigratte sin au soffort zer Stell und mir pagge z\u00e4mme. Zoobe gits e Gourmet\u00e4sse im Z\u00e4lt und im Aaschluss e Glooming fir d’Flimser Bevelkerig.<\/p>\n