{"id":3375,"date":"2017-10-15T15:31:16","date_gmt":"2017-10-15T13:31:16","guid":{"rendered":"http:\/\/horni-ballonfahrten.ch\/?page_id=3375"},"modified":"2017-10-15T20:26:05","modified_gmt":"2017-10-15T18:26:05","slug":"e-bsuech-im-aemmidaal","status":"publish","type":"page","link":"https:\/\/horni-ballonfahrten.ch\/?page_id=3375","title":{"rendered":"E Bsuech im \u00c4mmidaal"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt 1 vom 14.10.2017.gpx“]<\/p>\n

Will fir d\u00e4 Samschtigmorge N\u00e4bel aagsait isch und au d’Windrichtige seer unsicher sinn, h\u00e4n mir uns entschiide, fir die Faart ins Mittelland usszwyche. So dr\u00e4ffe mir unseri Passagier bym Motel in Egerkinge und faare gmainsam no Hasle-R\u00fcegsau im \u00c4mmidaal. Mit vo dr Partie isch s’Ballonteam vom Thomas. Mir h\u00e4n gfroggt bi unsere Frinde vo dr Blaser Swisslube, ebb mir iire Startblatz vor dr Firma derfe benutze und wo mir derte yydr\u00e4ffe, kunnt ebefalls dr Hannes mit em Blaser Ballon z’faare. Mir beraite unseri Ballen fir e Start vor und Starte grad wo d’Sunne im Daal uff got. Mir faare dief mit em Daalwind in Richtig Burgdorf und gniesse die tolli Szenerie. Iiberal het’s in de ainzelne Syted\u00e4\u00e4ler glaini N\u00e4belschwade, im Norde liggt dr Jurasiidfuess unter ere gschlossene N\u00e4beldeggi und im Siide gsenn mir scho die ganzi Alpeketti. Mir faare wyter’s in Richtig Burgdorf und visiere gnau s’Schloss aa. Mit zwai Mool Hechi korrigiere schaffe mir das und mache scheeni Fotteli. Will mir aber nit w\u00e4n wyter’s uff e N\u00e4bel zuefaare, stiige mir hecher um e Siidweschtwind z’finde. Ab 1500 m\u00fcM h\u00e4n mir Siidweschtwind, aber laider numme mit 5 km\/h. So stiige mir bis uff 3000 m\u00fcM. und mir h\u00e4n e fantstischi Ussicht uff die ganzi Alpeketti vom S\u00e4ntis bis zem Mont Blanc. Dr Thomas isch ebefalls ganz nooch bi uns. No immer h\u00e4n mir niene mee als 7 km\/h gfunde und so stiige mir konstant widder langsam ab, ebb’s nit doch no naimets es Hychli vo ne-me Windli het. Iiber dr Luegg m\u00e4lde unseri Verfolger, ass si grad unde draa sin und mir singge uff 100 Meter iber em Bode abb, zem e geaignete Ort zem Lande z’finde. Jetzt laufts bletzlig mit 12 km\/h und so n\u00e4mme mir die Gl\u00e4gehait und leen uns in Richtig Walterswyl dryybe und lande derte im Windschatte ganz sanft uff ere scheene Wiise. D’Birsigratte sin aus sofort zer Stell und mir pagge dr Ballon z\u00e4mme. Im Aaschluss stosse mir mit unsere Passagier aa und erhebe sii in Ballonadelstand. Mit dr Ruggfaart findet die scheeni Faart iir \u00c4ndi.<\/p>\n