{"id":3380,"date":"2017-10-15T16:39:31","date_gmt":"2017-10-15T14:39:31","guid":{"rendered":"http:\/\/horni-ballonfahrten.ch\/?page_id=3380"},"modified":"2017-10-15T20:44:28","modified_gmt":"2017-10-15T18:44:28","slug":"dr-bunti-herbscht","status":"publish","type":"page","link":"https:\/\/horni-ballonfahrten.ch\/?page_id=3380","title":{"rendered":"Dr bunti Herbscht"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt 2 vom 14.10.2017.gpx“]<\/p>\n

Erscht grad zrugg vo dr Morgefaart, steen scho gly druff abe die n\u00e4ggschte Passagier vor dr Diire. Mir mache uns uff no Diegte und sin gspannt, ebb mr e bitzeli mee Wind finde als am Morge. In Diegte mache mir uns uff d\u2018Suechi no ne-re gmaite Wiise fir e Start. Mir w\u00e4rde findig in Richtig Helschte, s\u2018isch zwor nit gmait, aber dr Buur het uns d\u2018Erlaubnis g\u00e4\u00e4. Mir beraite unsere Ballon vor, fir dr Start. Das sich aber gar nit so aifach, will sich dr Wind immer widder \u00e4nderet. Wo mir startglar sin, hebe mir zaggig ab, will\u2018s am Bode e bitzeli zieht. Kuum sin mir aber iber dr Grundschicht, mergge mir, ass das ganzi numme thermisch bedingt gsii isch. Es isch braggtisch windstill in dr Hechi. Unter uns n\u00e4mme mir e saum\u00e4ssige Grach woor und frooge uns was das kennti sii. Es Toose wi am Glauselyte in Kissnacht am Rigi odder in dr Altjooreswuche im Haslidaal. Und wirgligg, unter uns lauft e ganzi H\u00e4rde vo Kieh zem Alpabzuug vo B\u00e4mbel. Die laufe aber im Ziggzagg rund im Zyyg umme, ass es scho eeer e Umzug als e Abzug isch. Aber egal, e Alp het\u2018s jo au kaini. Mir faare ganz langsam in Richtig Waldeburg und singge iber eme D\u00e4\u00e4li vor Oberdorf abb. Dr Wind dribt uns iber d\u2019Kante vom Rehhag, wo si flyssig am am Gl\u00e4ttere sin, und d\u2018Baim straale uns in de schenschte Herbschtfarbe aa. Es goot wyters iber e Humbel wo d\u2018Wanderer die letschte Sunnestraale gniesse. Mir entschaide uns im D\u00e4\u00e4li vo Waldeburg no Langebrugg zer \u00c4ndlandig aaz\u2018setze. Mir mien aber nommol e bitzli uffstiige und in d\u2018Daalmitti korrigiere. Rassig singge mir ab und lande uff ere scheene Wiise. D\u2018Birsigratte find im zwaite Aalauf au zu uns und mir pagge dr Ballon z\u00e4mme. Die vier Ballonfrischling erhebe mir mit Champagner in Ballonadelstand, byvoor mir uns uff e Haimw\u00e4\u00e4g mache.<\/p>\n