{"id":3495,"date":"2017-10-21T12:26:06","date_gmt":"2017-10-21T10:26:06","guid":{"rendered":"http:\/\/horni-ballonfahrten.ch\/?page_id=3495"},"modified":"2018-04-08T11:59:34","modified_gmt":"2018-04-08T09:59:34","slug":"naebelmeer-im-laufedaal","status":"publish","type":"page","link":"https:\/\/horni-ballonfahrten.ch\/?page_id=3495","title":{"rendered":"N\u00e4belmeer im Laufedaal"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt vom 15.10.2017.gpx“]<\/p>\n

Mir nutze das wunderscheene Wuchen\u00e4ndi wirgligg\u00a0uss und dr\u00e4ffe uns am Sunntigmorge zer dritte Ballonfaart innert zwai Daag. Als Passagier kunnt mit uns e G\u00f6tti mit sim G\u00f6ttibueb mit und dr gresser Brueder derf ebefalls mit koo. Fir e Startort h\u00e4n mir s\u2018Laufedaaler Beggi gw\u00e4lt, will mir e Siidweschtwind erwarte, wo uns in Richtig G\u00e4lterkinde wurd bringe. Im Laufedaal het\u2018s natyrlig N\u00e4bel aber mir faare dur Biesserach dure \u00a0 no Beinwil. Kurz vor em Dorf biege mir linggs ab und faare in\u2018s Schwalben\u00e4scht, wo mir staalblaue Himmel iber uns gseen. Mir beraite unsere Ballon fir e Start vor und hebe ganz langsam ab. Wo mir iber d\u2018Kretehechi stiige, liggt vor uns wunderscheen s\u2018N\u00e4belmeer im Laufedaal. Oberdriber isch es wunderbar glar. Scho gly gseet me die ganzi Alpeketti im Siide und im Norde liggt Basel mit em Rocheturm. Mir h\u00e4n jetzt dr erwarteti Siidwind und faare iber Nunnige in Richtig Reigolzwyl. Mir h\u00e4n 20 km\/h druff und kemme esoo scheen vorw\u00e4rts. Unter uns liggt d\u2019W\u00e4lt no zimmlig ruhig und verschloofe do. D\u2018W\u00e4lder aber lychte in dr Morgesunne in de scheenschte Herbschtfarbe. Mir mache mit unsere Passagier e bitzeli Geografie, damit fir d\u2019Schuel vyylicht no ebbis h\u00e4ngge blybt. No ere Stund in dr Luft sin mir zwysche Arboldswil und Titterte, wo die baide Pf\u00e4rrer um d\u2018Wett die lytte. Mir verzichte aber uff e bsuech im B\u00e4ttschopf und faare wyter. D\u2018Faart fiert uns dir\u00e4ggt iber e Arxhoof und vor Lampeb\u00e4rg singge mir diefer iber dr Bode, zem luege, wo ass dr Wind derte uns ane drybt. Es goot grad uff die anderi Sytte, zrugg in Richtig Schloss Wildestai. Mir faare iber e Wald und schigge unseri Noochfaarer zem Schloss uffe. Uff Dieffaart iber e Baumschuel goot\u2018s ganz langsam und mir setzte uff ere frisch gmaite Wiise ganz sanft uff. Mir w\u00e4rde vo vyyle Spazierg\u00e4nger begriesst und noch kurzer Zytt sin d\u2018Noochfaarer au bi uns. Mir pagge alles z\u00e4mme und stosse uff die Faart aa. Was fir e tolle G\u00f6tti, wo sottigi Gsch\u00e4ngg macht.<\/p>\n