{"id":3532,"date":"2018-03-13T19:43:58","date_gmt":"2018-03-13T17:43:58","guid":{"rendered":"http:\/\/horni-ballonfahrten.ch\/?page_id=3532"},"modified":"2018-03-18T13:07:38","modified_gmt":"2018-03-18T11:07:38","slug":"ballonwuche-arosa-2018","status":"publish","type":"page","link":"https:\/\/horni-ballonfahrten.ch\/?page_id=3532","title":{"rendered":"No Davos Frauenkirch"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt vom 13.3.2018.gpx“]<\/p>\n

D\u2018Ballonwuche Arosa k\u00e4mpft mit schwiriger W\u00e4tterlaag. Es Tief schuuflet ai fiechti Luftmasse no dr andere in d\u2019Schwyz. So blybt aigendlig numme d\u2019Hoffnig uff e glains F\u00e4nschter, wo s\u2019Ballonfaare zuelosst. Und hitte isch so ne F\u00e4nschter. Mir h\u00e4n ys scho am Voroobe ussgehend mit dr Meteo befasst und h\u00e4nn e Meegligkait gsee, ass es am Morge kennti e F\u00e4nschter vo 3-4 Stund g\u00e4\u00e4. Phunggt Achti goot d\u2019Sunne uff und mit h\u00e4nn scho blaue Himmel iber Arosa. An de H\u00e4ng hets no R\u00e4schtbewelkig wo sich aber scho glyy uffleest. Am viertel ab Achti dr\u00e4ffe mir uns zem Briefing und au dr W\u00e4tterfrosch Peter P\u00f6schl best\u00e4tigt unser Yysch\u00e4tzig. Mir beraite rasch unsere Ballon uff dr Yysblootere bi Maran vor und mache kurz vor em Abhebe nommol Meteo. Webcams zaige im Ruum Davos alles offe, au Flims, Chur und Pr\u00e4ttigau zaige sich vo dr frindlige Sytte. E Aaruef bi dr Meteo best\u00e4tigt uns, ass das F\u00e4nschter sicher 3 Stund hebt und au d\u2019M\u00e4ssstationen zaige kaini problematische Wind aa. Mir Starte am viertel vor z\u00e4\u00e4ni und stiige langsam uff. E traumhafti Scheelandschaft liggt zu unsere Fiess. Mir schiessi flyysig Fotteli vo Arosa und gseen scho glyy, ass es wirgligg bi Davos \u00e4\u00e4ne offe isch. Ab 2500 m\u00fcM h\u00e4n mir s\u2019erschte Mool e bestimmti Richtig mit 10 km\/h no Oschte. Ab 2700 nimmt dr Wind steetig zue, pletzligg fliege um uns umme Yyskrischtall wo wie duusig Diamante funggle. Aifach dr Hammer! Jetzt faare mir mit 30 km\/h in Richtig Davos Frauekirch und mir stiige wyter\u2019s bis uff 3200 m\u00fcM. Mit d\u00e4m Wind sin mir glyy im andere Tal, drumm schigge mir unseri Nochfaarer uff d\u2019Pischte no Chur. Mir faare iber d\u2019B\u00e4rgkrete, wo dr Wind no ebbis zuenimmt. Aber wo mir ins Tal vo Davos kemme, nimmt \u00e4r scho widder ab. Mir starte unsere Abstiig iber dr Hauptsroos und kemme praktisch iber d\u00e4re Stell obenabe. Dieff faare mit iber d\u2019Yysebaan und setze ganz sanft n\u00e4be dr Langlaufpischte abb. No d\u00e4mm mir mit Hilf vo de Schryyner dr Ballon zem W\u00e4rgghof drait h\u00e4n, legge mir en ab und pagge alles yy. E kurzi, aber supertolli Faart goot so z\u2019\u00c4nd. Bifor mir dr Langi W\u00e4\u00e4g zrugg in Aagriff n\u00e4mme, keere mir im ene Rechtaurant yy und stoosse uff das Erl\u00e4bnis aa. Jetzt hoffe mir uff e Mittwuch, wo au widder e F\u00e4nschterli kennti bringe.<\/p>\n