{"id":3581,"date":"2018-03-18T14:24:01","date_gmt":"2018-03-18T12:24:01","guid":{"rendered":"http:\/\/horni-ballonfahrten.ch\/?page_id=3581"},"modified":"2018-03-18T14:24:49","modified_gmt":"2018-03-18T12:24:49","slug":"no-davos-glaris","status":"publish","type":"page","link":"https:\/\/horni-ballonfahrten.ch\/?page_id=3581","title":{"rendered":"No Davos Glaris"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt vom 16.3.2018.gpx“]<\/p>\n

No sovyyl Droggeiebige sin mir natyrligg ganz giggerig uff\u2019s Ballonfaare gsii. Es git no e glaine Hoffnigsschimmer am Fryttigmorge. Es kennti sich nommol e glains F\u00e4nschter uffdue, wo mir e F\u00e4\u00e4rtli kennte mache. Am Morge frieh, mache mir im Hotel Meteo und gseen uff verschiidene Webcam\u2019s, dass sich d\u2019Bewelkig scho aafoot uffleese. Mir gseen an de M\u00e4sstatione und de W\u00e4ttermod\u00e4ll, ass es e Faart ins Engadin kennti g\u00e4\u00e4. Am Briefing best\u00e4tigt dr Peter P\u00f6schl, ass es im Mom\u00e4nt nit schl\u00e4cht isch, aber gege Mittag kennti sich dr Wind vo Nordwescht uff Wescht draie. Mir entschaide uns z\u00e4mme mit eme andere Team, uns rasch uff dr Yysblootere bym Hof Maran vorzberaite und denne vor em Start nommol alles uff em Ipad z\u2019iiberpriefe. Mir begriesse unseri baide Passagier vom Hotel wo uss Belgie stamme und feen dr Ballon aafo usspagge. Dr Entschluss fir e Start stoot, d\u2019Taggtig isch uff 3000-3500 m\u00fcM z\u2019stiige und e Streemig mit 135-140 Grad z\u2019sueche. Sotte mir das nit ha, denn faare mir diefer iber dr B\u00e4rgrugge, wo d\u2019Streemig no Oschte abl\u00e4nggt und zyyle Davos Frauekirch aa. Langsam stiige mir uff und d\u2019Wulgge h\u00e4n sich bis uff e baar wenigi, wo no an ainzelne H\u00e4ng gl\u00e4\u00e4be uffgleest. Zerscht sin d\u2019Wind seer variabel, aber ab 2700 m\u00fcM kemme mir in Nordweschtwind mit 25 km\/h. Laider isch d\u2019Faartrichtig numme zwysche 115 und 125 Grad, was uns im Engadin in e Gebiet mit kaine guete Landebl\u00e4tz wurdi bringe. Drumm gschn\u00e4ll wider absingge und Blaan B in Aagriff n\u00e4\u00e4. In dr Zwischezyt gniesse unseri Passagier das wunderscheeni Alpepanorama und au mir schiesse e baar scheeni Fotteli. Mir faare jetzt mit 35 km\/h iber d\u2019B\u00e4rgkrete am Amselstock und h\u00e4n die erwarteti\u00a0 Faartrichtig 110 Grad no Davos Glaris. Die vyyle Schneef\u00e4lder mit de wunderscheene w\u00e4llefermige Zaichnige sin aifach unbeschryyblig. Mir gseen jetzt scheen uff Davos yyne und unseri Passagier frooge uns, ebb dass komische Ding am Hang e Schwyzer Oschterai uss Schoggi sig. Mir h\u00e4n iine denn erkl\u00e4rt, dass das s\u2019Hotel InterContinental sigi, aber mit d\u00e4m dur e Konkurs no aim Joor, de \u00a0G\u00e4ldg\u00e4ber beraits en Ai gleggd worde isch. \u00a0Glyy no dr Kreete singge mir diefer und kenne eso scheen in d\u2019Taalmitti faare. Mir singge wyter\u2019s ab , bis mir uff Huusdachhechi sin und faare ganz langsam em Hang entlang iber Baim und Husd\u00e4cher. Uff eme Schneef\u00e4ld, kurz vor eme Buurehoof setze mir sanft uff. Dr Buur kunnt uss em Stall und z\u00e4mme mit sinne Grooskinder, begriesst \u00e4r uns fraidig und bestuunt dr Ballon. Mir draage dr Ballon uff e noochs Streesli, legge-n-en ab und pagge-n-en yy. Do maint dr Buur Hansj\u00f6rg: \u201edas git aber Durscht, iir n\u00e4mmet sicher g\u00e4rn e Bier?\u201c und hoolt uns alle e Fl\u00e4schli Calanda (H\u00e4rzlige Dangg Hansj\u00f6rg nommol an d\u00e4re Stell). Bym Bier warte mir uff unseri Nochfaarer, wo via Chur und Landquart, s\u2019ganze Pr\u00e4ttigau druff faare mien. Unseri Passagier unterhalte sich mit em Buur und sin beyydruggt, iber d\u2019Gaschtfrindschaft in dr Schwyz. In Belgie wurde d\u2019Buure mit dr Heygable uff d\u2019Pilote loos goo. Wo d\u2019Nochfaare yydr\u00e4ffe, verlade mir alles und stosse denn z\u00e4mme no mit eme Glas Champagner aa. So erhebe mir die baide Passagier Martine und Marek in Ballonadelstand. Notyrligg griegt au dr Hansj\u00f6rg e Gleesli und d\u2019Kinder bikemme e Pin und e Gl\u00e4ber. Im Aaschluss goot\u2019s denn Haime zue, aber nit bivor mir no em Reschtaurant In den Islen e Bsuech abstattet h\u00e4n. Gschtergt mit eme Pl\u00e4ttli, goot\u2019s denn aber via Chur widder die 365 Kurve no Arosa hoch. Mit zwai Faarte isch die Aroser Ballonwuche 2018 fir uns doch no besser usekoo als erwartet. H\u00e4rzlige Dangg an alli wo am Organisiere vo d\u00e4re Ballonwuche mitgholfe h\u00e4n. Dangge au an\u2019s Grand Hotel Tschugge, wo uns in d\u00e4re Wuche so toll verweent het, mir fraie uns scho uff n\u00e4ggscht Joor, wenn d\u2019Ballonwuche im J\u00e4nner widder duuregfiert wird.<\/p>\n