{"id":3632,"date":"2018-03-18T14:29:05","date_gmt":"2018-03-18T12:29:05","guid":{"rendered":"http:\/\/horni-ballonfahrten.ch\/?page_id=3632"},"modified":"2018-03-18T14:29:40","modified_gmt":"2018-03-18T12:29:40","slug":"nothaelfer","status":"publish","type":"page","link":"https:\/\/horni-ballonfahrten.ch\/?page_id=3632","title":{"rendered":"Noth\u00e4lfer"},"content":{"rendered":"

Laider het s\u2019W\u00e4tter am Mittwuch uns Balleenler e Strich durch d\u2019R\u00e4chnig gmacht. Es isch e ganz e scheene Morge aagsait gsii und im Verlauf vom Daag sell sich e Feenlaag uffbaue. Wo mir aber alli zem Briefing kemme, steggt dr Himmel iber Arosa immer no in de Wulgge. Es git zwor erschti Ufflessigserschynige, aber d\u2019Wulgge befinde sich uff genau d\u00e4re Heechi, wo mir sette faare. Bis dr Himmel glaar gnueg isch, isch es fir uns aber z\u2019spoot. S\u2019Risiko, dass dr Feen duregryfft \u00a0isch aifach z\u2019hoch und so stelle mir fir d\u2019Aroser Gescht d\u2019Balleen an verschiidene Ort uff. Mir n\u00e4mme zer Fraid vo de glaine Gnepf unser Mysli Mod\u00e4llballon us em Sagg. Am Mittag git\u2019s denn scho dr erschti kurzi Feenschub und mir geen im Schnee go laufe. Am Dunschtig isch glaar, ass me mit 12 Hektopascal Druggunderschiid zwische Lugano und Ziiri nit ka faare. Drumm wird e Uffrischigskuurs fir d\u2019Nothilf organisiert. D\u2019Aroser Alpinmedic verzellt uns wie mir uff verschiideni Vorf\u00e4ll kenne reagiere und e jede derf an ere Puppe d\u2019H\u00e4rzmassage und Beootmig iebe. Hand uff\u2019s H\u00e4rz, die maischte h\u00e4n das vor 20 Joor s\u2019letscht Mool gmacht. E super Kurs wo speziell uff uns Balleenler zuegschitte gsii isch. H\u00e4rzlige Dangg an die ganzi Equippe vo dr Alpinmedic.<\/p>\n