{"id":3657,"date":"2018-04-08T12:25:26","date_gmt":"2018-04-08T10:25:26","guid":{"rendered":"http:\/\/horni-ballonfahrten.ch\/?page_id=3657"},"modified":"2018-04-08T13:20:00","modified_gmt":"2018-04-08T11:20:00","slug":"start-uss-em-aemmidaal","status":"publish","type":"page","link":"https:\/\/horni-ballonfahrten.ch\/?page_id=3657","title":{"rendered":"Start uss em \u00c4mmidaal"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt vom 7.4.2018.gpx“]<\/p>\n

Mir dr\u00e4ffe uns frieh am Morge, fir e Faart im Mittelland. Am spetere Morge findet n\u00e4mmlig d’GV vom Schwyzerische Ballonverband in Knuttwil statt und mir w\u00e4nn natyrlig r\u00e4chtzyttig derte sii. Dr\u00e4ffpungght isch bym Galliker Transport, no dr Ussfaart vo Dagmersellen. D’Passagier und s’Team vom Thomas warte scho uf uns. Mir faare no Huttel im \u00c4mmidaal, will mit de erwartete Wind wurde mir eso in d’Region vo Knuttwil faare. Wo mir bym Hornusserblatz yydr\u00e4ffe, isch beraits es Team vo dr Ballongruppe Vordemwald bym usspagge. Mir begriesse das Team und feen aa mit dr Vorberaitig vo unserem Ballon. Kurz no de Siibeni starte mir, grad wod’Sunne iber em Horrizont uffgoot. Bi d\u00e4re tolle Stimmig stiige mir langsam hecher und h\u00e4n vor uns die ganzi Alpeketti. Au dr Thomas startet wenigi Minute nach uns und mir stiige uff 2000 m\u00fcM um in die erwarteti Siidweschtstreemig z’koo. Mir mache jetzt e gueti Faart mit 25 km\/h, doch d’Richtig isch eher no Oschte. Unter uns liggt scheen d’Stadt Willisau und mir gseen scheen uff’s Wauwilermoos. Mittlerwyle sin iberall Balleen uffgstiige und mir w\u00e4rde vo unserem Verainskolleg Toni mit em Grubbeballon am Funk begriesst. Mir singge ab um e Streemig z’finde, wo uns meer in Richtig Knuttwil bringt. Es isch aber in de untere Schicht seer Windstill und so entschaide mir uns widder hecher z’stiige und iber e S\u00e4mpachersee z’faare. Unter uns isch dr Mauesee und mir gseen scheen uff’s Paraplegikerzentrum in Nottwil. Gnapp unter dr TMA vo Ziiri faare mir iber e See, wo wie ne Spiegel doo liggt. Numme e baar Ruederer ziehn iiri Runde und en erschti Prop\u00e4llermaschine fliegt unter und duure. In dr Neechi vo Eich kemme mir widder iber Land und feen mit em Abstiig aa. Glychzyttig schigge mir unseri Noochfaarer no Vogelsang, damit si bi dr Landig in dr Nechi sin. Iber eme Sportblatz verlangsame mir unsere Abstiig und faare iber e Rossstall, wo aber alli Resser ganz ruhig blyybe. Uff ere scheene Wiise hinter em Stall setze mir zer Landig aa, wo mir pletzlig e verd\u00e4chtigs Gschm\u00e4ggli regischtriere. E bschytteti Wiise w\u00e4nn mir jetzt wirgligg nit grad n\u00e4\u00e4. E halbe Meter iber em Bode faare mir drumm in Richtig teerti Stroos, wo d’Birsigratte beraits uff uns warte. Die letschte Meter bis zer Stroos w\u00e4rde mir no vo iine zooge. Mir legge dr Ballon scheen uff das teerte Streesli und pagge alles z\u00e4mme. Im Aaschluss stoosse mir mit eme Gleesli Glepfmoscht aa und erhebe unseri Passagierin Priska in Ballonadelstand. Numme grad e baar wenigi Minute z’spoot dr\u00e4ffe mir in Knuttwil yy und h\u00e4n numme grad d’Begriessig verpasst.<\/p>\n