{"id":3791,"date":"2018-05-27T20:16:28","date_gmt":"2018-05-27T18:16:28","guid":{"rendered":"http:\/\/horni-ballonfahrten.ch\/?page_id=3791"},"modified":"2018-06-17T11:54:15","modified_gmt":"2018-06-17T09:54:15","slug":"zgascht-im-simmedaal","status":"publish","type":"page","link":"https:\/\/horni-ballonfahrten.ch\/?page_id=3791","title":{"rendered":"Z\u2019Gascht im Simmedaal"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt vom 26.5.2018.gpx“]<\/p>\n

Mir sin fir e Wuchen\u00e4nd z\u2019Bsuech bi unsere Fr\u00fcnde im Simmedaal und natyrligg nimmt me bi guetem W\u00e4tter au dr Ballon mit. Am Samschtig am Morge frieh isch Daagwacht fir alli und non-eme glaine Zmoorge faare mir uff Boltige und dr\u00e4ffe derte dr Urs, e wytere Passagier. No im Dunggle feen mir aa dr Ballon vorzberaite und starte am Z\u00e4\u00e4 vor Fimfi zer Faart. Mir faare zerscht dief mit em Daalwind in Richtig Spiez, aber doch seer vyyl langsamer als erwartet. Maximal mit 10 km\/h goots n\u00e4ben-em Baahnhof vo Boltige duure, bivor\u2019s uns dr Hang uff drybt. Do entdegge mir innere Felswand e Grubbe G\u00e4msi mit zwai Junge, wo versueche dr Felse uff z\u2019gl\u00e4ttere. Do mir mit d\u00e4m T\u00e4mpo nit wirgligg vorw\u00e4rts kemme, feen mir aa z\u2019stiige. Mir gseen jetzt wunderbar s\u2019Simmedaal drab bis zem Thunersee und uff dr andere Syte druff bis no Gstaad. Im Dunscht zaige sich Eiger, M\u00f6nch und Jungfrau und mir faare dir\u00e4ggt uff s\u2019Stockhorn zue. Es isch interessant, denn die ortskundige Passagier kenn praggtisch jede Egge in d\u00e4m Daal. Laider isch au uff 2800 m\u00fcM nit vyyl mee T\u00e4mpo als 15 km\/h z\u2019finde, aber wenigschtens stimmt d\u2019Richtig und mir r\u00e4chne drmit, dass mir in ere Stund iber\u2019s Stockhorn ins Thunerbeggi yyfaare. In dr Zwischezyt stegge unseri Nochfaarer im Simmedaal fescht, denn iberal isch Alpuffzuug und es goot numme im Schrittt\u00e4mpo vorw\u00e4rts. Und wirgligg, mir faare praggtisch iber d\u2019B\u00e4rgstation uff em Stockhorn und blaane dr Abstiig iber Amsoldingen. Es isch halber Achti und s\u2019Milit\u00e4r foot in dr Schiessaalag unter uns uss allne Rohr aafo bellere. Mir starte dr Abstiig und fange dr Ballon 400 Meter iber em See vo Amsoldingen ab. Ganz langsam drybe mir in Richtig G\u00fcrbedaal und unseri Noochfaarer sin au beraits in dr Neechi. No d\u00e4mm mir e Hochspannigslaitig iberquert h\u00e4n setze mir zer Landig uff ere frisch gmaite Matte aa. Uff de letschte Meter aber keert dr Wind und es goot zrugg in Richtig Laitig. Mir kennte zwar Lande, aber es w\u00e4ri mit em Auto nit eso praggtisch zemm aane z\u2019faare. Drumm stiige mir nommol hecher und faare wyters no Bluemestai. Derte setze mir zem zwaite Mool zer Landig aa und faare ai Meter iber em F\u00e4ld bis mir in dr Nechi vo dr Stroos uffsetze. Im Aaschluss draage mir dr Ballon no bis zer Stroos, wo d\u2019Birsigratte beraits dien warte. No 2 Stund und fimfefufzig Minute be\u00e4nde mir die Faart und legge dr Ballon z\u00e4mme. Natyrlig erhebe mir dr Urs in Ballonadelstand und stosse uff e gewalltig scheeni Faart aa. Drno goot\u2019s zrugg ins Simmedaal und mit sitze derte im Garte und gniesse en Ap\u00e9ro mit vyyle feine Snacks. Merci Romi und Toni fir das scheene Wuchen\u00e4ndi im Simmedaal.<\/p>\n