{"id":3847,"date":"2018-06-10T14:31:57","date_gmt":"2018-06-10T12:31:57","guid":{"rendered":"http:\/\/horni-ballonfahrten.ch\/?page_id=3847"},"modified":"2018-06-10T14:51:37","modified_gmt":"2018-06-10T12:51:37","slug":"es-naebelmeer","status":"publish","type":"page","link":"https:\/\/horni-ballonfahrten.ch\/?page_id=3847","title":{"rendered":"Es N\u00e4belmeer"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt vom 10.6.2018.gpx“]<\/p>\n

Mir dr\u00e4ffe uns mit unsere Passagier am z\u00e4\u00e4 vor fimfi in Aesch, no e glai weeneli frieh fir die baide glainschte Passagier, aber an dr Fasnacht stoot me no friener uff und au derte loont sich das. Mir dr\u00e4ffe in Biesserach es zwaits Ballonteam und faare ins Schwalben\u00e4scht bi Erschwil. Es het iberall N\u00e4bel aber nit seer digg, sondern iberal kam e s\u2019scheene W\u00e4tter obedraa erkenne. Laider h\u00e4n d\u2019Buure in de letschte Wuche nit groos kenne Haye, aber mir legge dr Ballon aifach uff d\u2019Stroos, will um die Zyt in d\u00e4m Egge kai Gnoche unterw\u00e4ggs isch. Kurz no de S\u00e4ggse sin mir berait und die baide Balleen hebe glychzytig ab. Es isch ganz speziell mit d\u00e4m mysthische N\u00e4bel. Mir stiige hecher und kemme gly scho zem N\u00e4bel uss und w\u00e4rde vo dr Morgesunne begriesst. Im Laufedaal hets es N\u00e4belmeer, aber mir h\u00e4n gly scho die erwarteti Faartrichtig no Oschte. In d\u00e4re Region hets numme glaini N\u00e4belschwade, dr R\u00e4schte isch offe und het scho Morgesunne. Mir m\u00e4lde uns bim Flugblatz Basel, damit mir e bitzeli hecher derfe stiige. Mir bikemme d\u2019Freygoob und stiige uff 1500 m\u00fcM. Jetzt gseen mir wunderscheen d\u2019Alpe und im Norde d\u2019Vogese und dr Schwarzwald. Au im Mittelland au liggt vyyl N\u00e4bel, es het aber au anderi Balleen in dr Luft. Mittlerwyle sin mir iber Nunnige und h\u00e4n dr N\u00e4bel hinter uns gloo. Es goot wyters via Arboltswil no H\u00f6lschte und mir gseen scheen uff s\u2019Schloss Wildestai. Mir schigge unseri Nochfaarer wyter\u2019s no Buckte, will mir jetzt doch e gueti Faart mit 25 km\/h h\u00e4n. Mir faare praggtisch iber s\u2019alte Yysebaanviaduggt vo dr alte Hauestaistreggi in R\u00fcmmlige. Mir singge vor R\u00fchneb\u00e4rg dieffer und halte Usschau no-n-eme scheene Landeplatz. Es het aber numme Wiise mit hoohem Gras, wo mir nit w\u00e4nn zertrammple, drumm goots no-ne iber s\u2019n\u00e4ggschte Daal wyters no Weislige. Derte singge mir denn ganz abb und kenne zwische n-eme Mais- und Weizef\u00e4ld ganz sanft uffsetze. D\u2019Birsigratte sin sofort zer Stell und mir draage dr Ballon zeme-ne nooche F\u00e4ld, wo mir kenne z\u00e4mme pagge. Natyrligg derf au d\u2019Luftdauffi vo unsere vier Passagier nit f\u00e4\u00e4le. Drno goot\u2019s widder zrugg no Aesch, wo im Garte es Zmorge uff uns wartet.<\/p>\n