{"id":3877,"date":"2018-06-15T16:52:38","date_gmt":"2018-06-15T14:52:38","guid":{"rendered":"http:\/\/horni-ballonfahrten.ch\/?page_id=3877"},"modified":"2018-06-15T21:19:28","modified_gmt":"2018-06-15T19:19:28","slug":"es-iiberraschigsfaeaertli","status":"publish","type":"page","link":"https:\/\/horni-ballonfahrten.ch\/?page_id=3877","title":{"rendered":"Es Iiberraschigsf\u00e4\u00e4rtli"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt vom 14.6.2018.gpx“]<\/p>\n

Mir dr\u00e4ffe uns mit vier Passagier, fir e Oobef\u00e4\u00e4rtli in Diegte und faare no Eptige, wo mir e scheen gmaiti Matte finde. Bis dert aane wisse die baide Dame aber gar noonig, was si aigendlig erwartet, denn die baide Briedere h\u00e4n bischlosse, iiri Frindinne hitte z\u2019iiberrasche. D\u2019Iiberraschig, die isch glunge und mir feen aa, dr Ballon fir e Start vor z\u2019beraite. Mittlerwyyle het sich d\u2019Quellbewelkig scho braggtisch uffgleest und mir sin froh, ass mir em Meteorolog am Morge nit glaubt h\u00e4n. D\u00e4 het n\u00e4mmlig gmaint, ass mir mit vier bis fimf Achtel Bewelkig mien r\u00e4chne. No-nem Uffstelle starte mir am viertel vor Siibeni zer Faart und stiige langsam zem D\u00e4\u00e4li uss. Mir gniesse gly scho e scheene Bligg<\/a> uff\u2019s obere Baselbiet und finde bald dr erwarteti Nordwind, wo uns wird ins Mittelland dryybe. Uff 1800 m\u00fcM entdecke mir Aiger, Mench und Jungfrau und im Mittelland gseen mir bis zem S\u00e4mpachersee. Mit 2000 m\u00fcM h\u00e4n mir die maximali Hechi vo hitte eraicht, will aber d\u2019Streemig langsamer isch als unde und d\u2019Richtig au nit grad e Bombe isch, singge mir scho gly widder diefer. Mir faare iber e Homb\u00e4rg und kemme bi Rickebach ins Mittelland. Unseri Nochfaarer schigge mir no Murgedaal und mir faare bi Bonige iber d\u2019Autobaan A1 und d\u2019Aare. Unter uns kenne mir die rooti Harasseburg vo Rivalla gsee und unseri Faart fiert uns n\u00e4be Vordemwald duure no Pfaffnau. Unseri Noochfaarer m\u00e4lde iire Standort bym B\u00e4ttschopf vo Pfaffnau und im glyche\u00a0 Mom\u00e4nt foot dr Paff aa syni Scheefli z\u2019riefe. Genuau unter uns startet dr Kolleg Benj mit sym glaine Katzballon und stiigt uff unseri Hechi. Mir schigge d\u2019Birsigratte no Ebersegge, wo mir e Landeblatz sueche mechte. Mir singge diefer und h\u00e4n 150 Meter iber Bode immer no e Gschwindigkait vo 20 km\/h. No d\u00e4m mir in e glains D\u00e4\u00e4li singge gspyyre mir kurz vor em Uffsetze dr Wind vo vorne. Das zaigt uns aa, ass es abbr\u00e4mst und scho gly sin mir nur no im Schrittt\u00e4mpo unterw\u00e4ggs. Mir setze sanft uff eme teerte Streessli uff, wo grad e frisch gmaiti Matte dra aagr\u00e4nzt. Mir w\u00e4rde vo Kinder begriesst, wo aazgsprunge kemme und d\u2019Noochfaarer sin au glyy zer Stell. So pagge mir dr Ballon z\u00e4mme und stoose uff e wunderscheeni Faart aa. W\u00e4r bruucht e Tschutti W\u00e4ltmaischterschaft, wenn\u2019s soo scheeni anderi Sache unf d\u00e4re W\u00e4lt git!<\/p>\n