{"id":3926,"date":"2018-06-16T17:24:31","date_gmt":"2018-06-16T15:24:31","guid":{"rendered":"http:\/\/horni-ballonfahrten.ch\/?page_id=3926"},"modified":"2018-06-16T18:14:50","modified_gmt":"2018-06-16T16:14:50","slug":"zbsuech-in-dr-innerschwyz","status":"publish","type":"page","link":"https:\/\/horni-ballonfahrten.ch\/?page_id=3926","title":{"rendered":"Z\u2019Bsuech in dr Innerschwyz"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt vom 16.6.2018.gpx“]<\/p>\n

Mir fraie uns, ass mir wider emoole derfe unseri Frinde in Loz\u00e4rn bsueche. Mir dr\u00e4ffe drey anderi Ballonteams uff dr Allm\u00e4nd, n\u00e4be dr Swissporarena und no-nere ussgepr\u00e4ggte Begriessigsrundi, feen mir aa unsere Ballon fir e Start vorzberaite. Am halber Siibeni starte mir und stiige langsam uff. Gly scho gseet me in d\u2019Arena yyne und bald zaigt sich dr Vierwaldst\u00e4ttersee im Hintergrund. D\u2019Sunne isch scho doobe und mir stehen grad vor em Huusb\u00e4rg Pilatus. Mir m\u00e4lde uns bym Flugblatz \u00c4mme, aber derte isch kaine, es kunnt numme es B\u00e4ndli. Mittlerwyyle gseet me scheen uff\u2019s Seebeggi bi Loz\u00e4rn und will mir nit vyyl Wind finde, stiige mir wyter\u2019s und langsam kemme die vyyle B\u00e4rgspitze im Hintergrund zem vorschyyn. No nere halbe Stund sin mir uff unsere maximale Hechi vo 3100 m\u00fcM. Mir sin jetzt iber em Dunscht und gseen die ganzi Alpeketti und vyyli Seee. Alpnacher-, Sarner-, Lungere-, S\u00e4mpacher-, Baldegger-, Halwyyler- oder Zugersee um numme die greesere doo z\u2019nenne. No d\u00e4mm mir fir e halb Stund die tolli Ussicht gnosse h\u00e4n, singge mir wider ab, zem e Schicht z\u2019sueche, wo e bitzeli gschn\u00e4ller lauft. Uff ebbis iber 2000 m\u00fcM kenne mir uns no Norde in Richtig Yygang zem \u00c4ntlibuech tribble, bivor mir denn wyters absingge, uff d\u2019Hechi vo de andere drey Balleen. Die sin trotz vyyl diefer\u00a0 z\u2019faare n\u00e4mmlig genau glyych wytt. Mit gmietlige 15 km\/h faare mir jetzt s\u2019\u00c4ntlibuech druff. Es goot iber vyyli scheeni glayni Sitted\u00e4\u00e4li, wo d\u2019B\u00e4ch bym drabfliesse tiefi Furche gfr\u00e4sse h\u00e4n. Mir gheere vyyli scheeni Glogge vo de Kieh uff de Waide unter uns und d\u2019Nochfaarer, sin mittlerwyle au unter uns. Mir schigge unsere no Hasle und singge wyters uff 100 Meter iber Bode ab. Es goot an drey Ballonschn\u00e4tzler (Windreeder) verbyy und mir fasse e Gegend zwysche Hasle und Sch\u00fcpheim fir d\u2019\u00c4ndlandig ins Aug. Mir dirigiere d\u2019Birsigratte uff dr entspr\u00e4chendi W\u00e4\u00e4g und singge iber ere scheene Wiise ab. Will mir aber uff dr Wiise n\u00e4bedraa e baar Ressli entdegge, entschaide mir uns nommol Hundert Metter wytter\u2019s z\u2019faare und setze zer Landig aa. Laider w\u00e4rde mir aber nid wie erwartet in d\u2019Daalmitti driibe, sondern dr Hang zieht uns aa und so h\u00e4nge mir gena iber em Gilleloch vo-ne-me Buurehoof. Mir stiige nommol 50 Meter uff und bikemme eso e glaine Schupf wo uns iber e scheeni Wiise bringt. Derte setze mir uff eme W\u00e4gli ganz sanft uff und be\u00e4nde no fascht zwaiehalb Stund die scheeni Faart. Mir pagge vor stuunende Goofe dr Ballon z\u00e4mme, bivor die glaine Gnepf emoole derfe in Korb yynehipfe. Zem Abschluss bikunnt jede no e Gl\u00e4ber und en Pin. Mir stosse mit eme Gleesli Glepfmoscht uff die Faart aa und erhebe unseri Passagier in Balloaadelstand. Im Aaschluss dr\u00e4ffe mir die andere Ballonteams in eme Reschtaurant, bivor mir d\u2019Haimrais adr\u00e4tte.<\/p>\n