{"id":3991,"date":"2018-07-29T10:15:25","date_gmt":"2018-07-29T08:15:25","guid":{"rendered":"http:\/\/horni-ballonfahrten.ch\/?page_id=3991"},"modified":"2018-07-29T14:05:10","modified_gmt":"2018-07-29T12:05:10","slug":"e-haissluftballonfaart","status":"publish","type":"page","link":"https:\/\/horni-ballonfahrten.ch\/?page_id=3991","title":{"rendered":"E Haissluftballonfaart"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt vom 27.7.2018.gpx“]<\/p>\n

Bi zwaiedrissig Graad dr\u00e4ffe mir uns am speetere Nommidaag mit unsere Passagier und mache uns uff e W\u00e4\u00e4g fir nach Diegte. Mir finde naimets es Schattebl\u00e4tzli, wo mir unsere Ballon fir d\u2019Faart kenne vorberaite. Dr Schwaiss fliesst heftig, haisst\u2019s \u00e4chtsch dorum Haissluftballonfaart? Am viertel vor Siibeni sin mir berait zem Start und hebe langsam ab. Im Norde het\u2019s iber em Schwarzwald es glainers Gwitter, aber das isch wyt gnueg ew\u00e4gg, damit es uns nit steert. Mir stiige langsam hecher und sueche e Schicht, wo’s e bitzeli Wind het. Langsam gseen mir ins Mittelland und B\u00e4rge kemme fire, was fir die Jooreszyt doch eeher ungweenlig isch. Normalerwys het\u2019s maischtens vyyl z\u2019vyyl Dunscht im Mittelland. Mir gseen au dr Rocheturm in Basel und vom Brand am Rhyhaafe gseet me guet d\u2019Rauchwulgge. Mir sin mittlerwyle uff 2000 m\u00fcM und gniesse aifach d\u00e4 scheeni Oobe. Es isch jetzt aagn\u00e4m mit dr T\u00e4mperatur und nit wie erwartet seer haiss, aber laider isch nit vyyl Wind vorhande. Mir singge drumm widder diefer, um inere Schicht mit ere schwache Biise no Oberdorf zfaare. Mit maximal 6-7 km\/h, schlyyche mir via B\u00e4mbel (Bennwil) no Oberdorf. Mir versueche meegliggscht nerdlig vo dr Hiigelketti vom Passwang z\u2019byybe, will derte d\u2019Meegligkaite zem e geaignete Landeblatz z\u2019finde eeher dirftig sin. No anderthalb Stunde faart tribts uns aber bletzlig mit 15 km\/h genau in Talver\u00e4ngig bi Waldeburg. Mir entdecke aber in dr Talmitti vo Waldeburg e baar F\u00e4\u00e4ne wo s\u2019Taluss waihe. Drumm singge mir ganz dief iber e Wald und unseri Faart stoppt sofort. No ne baar Augebligg foot dr Ballon im Schrittt\u00e4mpo aa widder zem Taal uss z\u2019faare. D\u2019Froog isch jetzt numme, ebb mir eso iber e glaini Krete kenne faare, odder ebb derte unseri Hille beraits scho widder vo dr andere Richtig aagstreemt wird. Numme 20 Zentimeeter iber de Baim goots langsam iber die Kreete und hinte draa singge mir widder em Hang entlang drab. No kurzer Faart iber e Buurehof, wo uns d\u2019Kieh e bitz verdutzt uss dr Stalldiire aaluege, setze mir uff ere Wiise ab und no aim glaine Hopser stehen mir uff dr teerte Stroos. D\u2019Birsigratte finde gly scho dr W\u00e4\u00e4g zu uns und mir leege dr Ballon uff eme frisch gmaite Stiggli z\u00e4mme. Im Aaschluss gen\u00e4mige mir uns e Schliggli Glepfmoscht und erhebe unseri Passagier bym Sunneuntergang in Ballonaadelstand. Bi Uffschnitt und K\u00e4\u00e4s warte mir jetzt uff e Bluetmoond und w\u00e4rde vo zwai Reeli wo iber s\u2019F\u00e4ld seggle begriesst. Au dr Bluetmond gseen mir denne doch no, w\u00e4rend aber d\u2019Fraue eeher ebitzeli entdyscht sin, zaige sich d\u2019M\u00e4nner vo dr romantische Syte.<\/p>\n