{"id":4038,"date":"2018-07-30T18:40:41","date_gmt":"2018-07-30T16:40:41","guid":{"rendered":"http:\/\/horni-ballonfahrten.ch\/?page_id=4038"},"modified":"2018-07-30T19:15:45","modified_gmt":"2018-07-30T17:15:45","slug":"ab-in-baerner-jura","status":"publish","type":"page","link":"https:\/\/horni-ballonfahrten.ch\/?page_id=4038","title":{"rendered":"Ab in B\u00e4rner Jura"},"content":{"rendered":"

[map style=“width: auto; height:400px; margin:20px 0px 20px 0px; border: 1px solid black;“ gpx=“http:\/\/horni-ballonfahrten.ch\/wp-content\/uploads\/Fahrt vom 29.7.2018.gpx“]<\/p>\n

Zem zwaite Mool an d\u00e4m Wuchen\u00e4ndi, dr\u00e4ffe mir uns mit vier Passagier fir e Oobefaart. Mir faare no Biesserach, zem e geaignete Startblatz z\u2019sueche. Lut Prognose w\u00e4rde Wind uss Weschte erwartet. No ainigem Sueche w\u00e4rde mir im Induschtrieviertel vo Biesserach findig. Mir beraite unsere Ballon fir e Start vor und hebe am viertel vor Siibeni ab. In de untere Schichte faare mir ziigig no Siide in Richtig Erschwil. Drumm stiige mir zaggig hecher, wo mir aber praggtisch am Ort stoo blybe. Scho glyy gseen mir uff Basel yyne und au dr Flugblatz gseet me sehr guet. Mittlerwyle sin mir an dr untere Gr\u00e4nze vom Luftrum fir e Siidaaflug vo Basel und riefe dorum Info Basel uff. Derte isch aber vyyl loos und mir versueches wyter\u2019s verg\u00e4bens in fimf Minuteabst\u00e4nd. Dr Controller git uns aifach kai Antwort. Will mir also nit in Weschtwind uffstiige kenne, bruche mir en Alternativblaan. Mir singge ab und faare mit 15 km\/h no Siide. Wenn die Richtig so blybt und au nit schwecher wird, denn kenne mir no W\u00e4lscherohr faare odder gar ibere Wyssestai no Solothur. Mir gseen jetzt scheen ins Beggi vo D\u00e9l\u00e9mont und schigg unseri Nochfaarer ibere Passwang no M\u00fcmliswyyl. Mir faare jetzt iber Higel, Ortschafte und Buureheef, wo die maischte vo uns werde gsee no ghert h\u00e4n. E wunderscheeni Gegend und uff em F\u00e4ld unter uns, springt e Reeh iber d\u2019Matte. Will d\u2019Wind oobe immer meer no Siidweschte draie, faare mir jetzt seer dief, damit mir au bi W\u00e4lscherohr iber d\u2019Krete kemme, denn wyters im Weschte het\u2019s praggtisch kaini Megligkaite fir uns zem Lande\u00a0 und s\u2019Aanefaare fir unseri Nochfaarer isch au kuum megligg. Iber Seehof goot\u2019s dr Hang druff iber die letschti Krete und mir gseen uff W\u00e4lscherohr aabe. D\u2019Birsigratte dirigiere mir zu uns und faare uff dr Kretehechi bis ins Daal uuse, denn singge mir zaggig ab. Mir w\u00e4rde no Oschte versetzt und wo mir in Bodenechi kemme stellt dr Wind ab. Mir singge wyters uff Huusdachhechi und faare dief an ere Tanne verby uff e groose Pargblatz z\u2019mitzt im Dorf zue. D\u2019Hille gnapp an de letschte Tannezwyygli entlang singge mir uff e Blatz aabe und lande sanft uff eme Grasfl\u00e4gg. Mir w\u00e4rde vo vyyle Lyt und Kinder begriesst und unseri Nochfaarer sin au gly zer stell. Mir drage dr Ballon uff e Blatz und legge d\u2019Hille ab. Nadyrlig bikemme alli Kinder e Gl\u00e4ber und en Pin. Mir pagge alles z\u00e4mme und stosse mit eme Gleesli und eme schene Uffschnittpl\u00e4ttli aa. Unseri Passagier erhebe mir mit bassenden Dauffn\u00e4mme in Ballonadelstand, bivor mir dr Haimw\u00e4\u00e4g in aagriff n\u00e4mme.<\/p>\n