Geburtsdaagsfaart

IMG_1950Aigendlig seer kurzfrischtig het dr Fabio vor ere Wuche aaglyte und gfroggt, ebb’s ächtsch meglig isch am 30.8. e Oobefaart z’mache. Är haigi drumm denn Geburtsdaag und mechti e Familieussflug mache. Do dä Termin no frey gsi isch, hän mir zuIMG_1954egsait, aber glychzytig druff uffmergsam gmacht, ass mir nur bi guetem Wätter kenne go. Är het trogge gmaint, an sym Geburtsdaag isch immer guets Wätter und er het rächt kaa. Bi blauschtem Himmel dräffe mir uns in IMG_1956Prattele und faare no Diegte uf e frisch gmaiti Wiise. Im Schatte vom Waldrand rischte mir uf em Aahaänger dr Ballonkorb uss, wo dr Kolleg Benj per SMS mäldet, är sigi in Tennike uff em Hornusserblatz. Kurzentschlosse faare mir zu iim nIMG_1959o Tennike und legge dr Ballon uss. Am viertel ab Säggsi sin mir startklar und hebe ab. Mir faare zerscht tief iber s’Diegtertal in Richtig Kärnerkinde und stiige denn langsam hecher. Fir e Summeroobe hän mir e wunderbar glari Sicht und so IMG_1960gniesse mir dr Bligg ins Mittelland, mit Olte und Zofige im Vordergrund  und dr Sämpachersee mit dr Alpeketti im Hintergrund. Au vom Rhytal iber Basel gseet me bis ze de Vogese alles seer scheen. uff 6300 Fuess finde mir e Schicht wo dIMG_1963‚Faart in Richtig Buebedorf goot. Es isch seer langsam wie uff allne Hechene, aber die Richtig bringt uns wenigschtens vom unwägsamem Gebiet wäg. Mir bikemme Bsuech vo neme gääle Flieger wo vermuetlig in Schupfart
gstartet isch. ÄIMG_1973r het aber bi däre Wermi doch scho zimmlig Mieh, zem bis zu uns uffe z’stiige. Mittlerwyle sin mir widder genau iber unserem Startblatz und mir entschliesse uns widder diefer z’goo. Zem zwaitemool iberquere mir s’DiIMG_1974egtertal und faare tief es Täli druff. Hinter uns goot langsam d’Sunne unter und unter uns renne zwai Reh iber’s Fäld. Dr Buur stoot vor sym Huus und winggt uns zue. Zwai Meter iber de Baim faare mir uf dr Wittinsbärg und singge denn IMG_1979hinterem Waldrand ab. Wenigi Zentimeter iber de Fälder faare mir uff dr Suechi nach ere scheene Landemegligkait. Unseri Verfolger steen au scho berait, zem uns in Empfang z’nä. Wo mir e geaigneti Wiise erraiche, hogge mir ab und leggeIMG_1982 unsere Ballon näbe dr Stroos zämme, wärend uns dr Fuchs zueluegt. E baar Iihaimischi hälfe uns drbyy und mir stoosse aaschliessend alli mitenand aa. Unseri Gescht erhebe mir in Ballonadelstand und bestuune dr Vollmond wo am Horrizot uffgoot.

Graf vom Hornusseries ze Tenniken
Comtesse von und zum Sunnebärg
Baron zer Bälweid
Prinzess zu Witschberg

 

Veraltete PHP-Version im Einsatz
Der Seiteninhaber muss die Version auf mindestens 7.3 erhhen.