D’Ballonwuche Arosa isch mit scheenschtem Wätter gstartet. So het am Sunntig Zoobe s’tradizionelli Nightglooming kenne duregfiert wärde. Do dr Aroser Obersee laider fir d’Balleen nit offe isch, hän mir am Rand vom See e grosses Stigg gwalzti Flächi zer verfiegig ghaa, wo wenigschtens säggs Balleen blatz hän. Die säggs Balleen zämme mit em Mysli Modällballon hän sich bym Yydunggle vorberaitet und denn isch mit Muusig die Show loos gange. Vier Stiggli het dr Manuel zem Beschte gä und mir hän ghaizt was goot. Zem krenende Abschluss het dr Res denn noch die ganzi Sach pyromanisch Unterleggt. So isch die Ballonwuche mit eme grosse Knall ereffnet. Hoffe mir, ass es vyyli scheeni Faarte git.