Fir aimool gseets noch ere normale Oobefaart iber Flims uss. Mit drey Passagier beraite mir dr Ballon fir Start vor und hebe bi beschte Bedingige ab. Mir stiige gly e bits hecher, damit mir vom Bodewind nit grad zem Flimserstai triibe wärde. Mir finde e Schicht wo uns ganz langsam widde in Talmitti bringt. Unseri Passagier gniesse in dr Zwischezyt dr Bligg vo oobe uff iiri Haimat. Ai Balloon, dr Hilmar, isch rasant hecher gstiige und mäldet, ass bi iim jetzt e Fallschirmspringer uuse gumpt. Gly druffabe gseen mir dr Springer und verfolge wie är mit sim Schirm uff dr Ballonwiise suuber landet. Mir sin mittlerwyyle so wyyt iber dr Talstation vo dr Baan uff d’Foppa, ass mir widder diefer geen um dr Hang bärguff z’faare. No-n-ere diefe Faart iber da Baim stiige mir nommol hecher, um e Schicht fir d’Faart zrugg zem Startplatz z’finde. Wo mir aber nit geaignets finde, singge mir widder ab und lande uff dr Stroos bi dr Runcca Hechi. D’Birsigratte kemme scho kurz druff aabe zu uns und mir legge dr Ballon zämme. Jetzt hän mir uns aber e Racelette verdient!