Dr erschti Daag

Mir kemme am Siibeni am Morge zem Briefing und wärde vom Peter Pöschl iber die neyschte Entwigglige informiert. Es git in dr Hechi e stargi Nordstreemig, wo ebbe uff dr Gipfelhechi vo de umligende Bärge derfti aafo. Mit maximal 50-60 km/h wurdi das uns diräggt uf dr Flughaafe Milano Malpensa fiere, wo si nit grad so Fraid an Balleen hän. Zuedäm liggt unterwäggs nur no Savognin als meeglige Landeort, aber s’Risiko isch doch seer groos, ass me Savognin näbe aim statt unter aim gseet. So entschliesse mir schweerem Härze uff e Faart uss em Talkessel uuse. Eventuell liggt no e glaine Hupferl im Kessel inne. Mir geen uff e Startblatz und feen aa dr Ballon uss z’pagge. Mir verzichte aber uff’s Uffstelle und hälfe em Haissluftschiff, damit’s meegligscht gschnäll in d’Luft kunnt. Jetzt isch Schiifaare oder Wandere aagsait, damit mir au e guets Färbli im Gsicht mit Haime bringe.

Veraltete PHP-Version im Einsatz
Der Seiteninhaber muss die Version auf mindestens 7.3 erhhen.