Nothälfer

Laider het s’Wätter am Mittwuch uns Balleenler e Strich durch d’Rächnig gmacht. Es isch e ganz e scheene Morge aagsait gsii und im Verlauf vom Daag sell sich e Feenlaag uffbaue. Wo mir aber alli zem Briefing kemme, steggt dr Himmel iber Arosa immer no in de Wulgge. Es git zwor erschti Ufflessigserschynige, aber d’Wulgge befinde sich uff genau däre Heechi, wo mir sette faare. Bis dr Himmel glaar gnueg isch, isch es fir uns aber z’spoot. S’Risiko, dass dr Feen duregryfft  isch aifach z’hoch und so stelle mir fir d’Aroser Gescht d’Balleen an verschiidene Ort uff. Mir nämme zer Fraid vo de glaine Gnepf unser Mysli Modällballon us em Sagg. Am Mittag git’s denn scho dr erschti kurzi Feenschub und mir geen im Schnee go laufe. Am Dunschtig isch glaar, ass me mit 12 Hektopascal Druggunderschiid zwische Lugano und Ziiri nit ka faare. Drumm wird e Uffrischigskuurs fir d’Nothilf organisiert. D’Aroser Alpinmedic verzellt uns wie mir uff verschiideni Vorfäll kenne reagiere und e jede derf an ere Puppe d’Härzmassage und Beootmig iebe. Hand uff’s Härz, die maischte hän das vor 20 Joor s’letscht Mool gmacht. E super Kurs wo speziell uff uns Balleenler zuegschitte gsii isch. Härzlige Dangg an die ganzi Equippe vo dr Alpinmedic.

Veraltete PHP-Version im Einsatz
Der Seiteninhaber muss die Version auf mindestens 7.3 erhhen.